نايزاعاي، جاڭبىر، جەل - سەيسەنبىگە ارنالعان اۋا رايى بولجامى

نۇر-سۇلتان. قازاقپارات - سەيسەنبى ەلىمىزدە نايزاعاي ويناپ، جاڭبىر جاۋادى، جەل كۇشەيەدى، كەي جەرلەردە داۋىل سوعۋى مۇمكىن.

سونداي-اق بۇرشاق جاۋىپ، تۇمان تۇسەدى، دەپ حابارلايدى قازاقپارات قازگيدرومەتكە سىلتەمە جاساپ.

16 - ماۋسىمدا قازاقستاننىڭ باسىم بولىگىندە انتيتسيكلون اسەرىنەن جاۋىن-شاشىنسىز اۋا رايى كۇتىلەدى، رەسپۋبليكانىڭ سولتۇستىك-شىعىسىندا، شىعىسىندا جانە وڭتۇستىك- شىعىسىندا فرونتالدى بولىكتەردىڭ وتۋىنە بايلانىستى قۇبىلمالى اۋا رايى ساقتالادى، كەي جەرلەردە نايزاعاي ويناپ، جاڭبىر جاۋادى.

كەي جەرلەردە جەل كۇشەيىپ، وڭتۇستىكتە جانە وڭتۇستىك-باتىستا شاڭدى داۋىل سوعادى، سولتۇستىكتە تۇمان ءتۇسۋى ىقتيمال، ورتالىقتا جانە شىعىستا بۇرشاق جاۋۋى مۇمكىن.

اقمولا، باتىس قازاقستان، شىعىس قازاقستان، كۇندىز جامبىل، پاۆلودار وبلىستارىندا جەل 15-20 م/س كۇشەيەدى، شىعىس قازاقستان وبلىسىنىڭ كەي جەرلەرىندە كۇندىز بۇرشاق جاۋۋى ىقتيمال.

قاراعاندى وبلىسىنىڭ كەي جەرلەرىندە داۋىل سوعادى، بۇرشاق جاۋۋى مۇمكىن، تۇندە كەي جەرلەردە جەل 15-20 م/س، كۇندىز 15-20، كەي جەرلەردە 23 م/س كۇشەيەدى.

قىزىلوردا وبلىسىندا جەلدىڭ جىلدامدىعى 15-20، كەي جەرلەردە 23 م/س جەتەدى، كەي جەرلەردە شاڭدى داۋىل سوعۋى مۇمكىن.

تۇركىستان، ماڭعىستاۋ وبلىستارىنىڭ كەي جەرلەرىندە جەلد كۇشەيىپ، جىلدامدىعى 15-20 م/س جەتەدى، شاڭدى داۋىل سوعۋى مۇمكىن.

الماتى، اتىراۋ وبلىستارىندا، ماڭعىستاۋ وبلىسىنىڭ وڭتۇستىگىندە قاتتى ىستىق ساقتالادى.

اتىراۋ، قىزىلوردا، قاراعاندى وبلىستارىندا، اقتوبە، اقمولا، تۇركىستان، جامبىل وبلىستارىنىڭ باسىم بولىگىندە، پاۆلودار، الماتى، قوستاناي وبلىستارىنىڭ كەي جەرلەرىندە، باتىس قازاقستان وبلىسىنىڭ وڭتۇستىگىندە وتە جوعارى ءورت قاۋىپى ساقتالادى.