ماڭعىستاۋدا اۋدان جانە قالا اكىمدەرىنە سوگىس جاريالاندى

اقتاۋ. قازاقپارات - بۇگىن ماڭعىستاۋ وبلىسى اكىمى سەرىكباي ترۇموۆتىڭ قاتىسۋىمەن وتكەن اپپاراتتىق جيىندا بىرنەشە لاۋازىمدى تۇلعاعا سوگىس جاريالاپ، جاۋاپتى قىزمەتكەرلەردىڭ جۇمىس ۇيىمداستىرۋ ساپاسىنىڭ تومەندىگىن اتاپ ءوتتى، دەپ حابارلايدى قازاقپارات اكىمدىكتىڭ باسپا ءسوز قىزمەتىنە سىلتەمە جاساپ.

«ەڭبەك» ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋ باعدارلاماسى بويىنشا اۋىلدارعا شاعىن نەسيە بەرۋ باعىتىنىڭ العاشقى جارتى جىلدىقتاعى ورىندالۋى بارىسىنىڭ تومەندىگىنە بايلانىستى وبلىس اكىمىنىڭ ورىنباسارى باقىتجان قاشاقوۆقا جانە اۋىل شارۋاشىلىعى باسقارماسىنىڭ باسشىسى سەرىك قالدىعۇلعا سوگىس جاريالاندى. اقتاۋ قالاسىنىڭ اكىمى عالىمجان نيازوۆ قالا ىشىندەگى جاسىل جەلەكتەردىڭ ۋاقىتىلى سۋارىلماۋىنا بايلانىستى سوگىس الدى. مۇنايلى اۋدانىندا تازالىق جۇمىستارىنىڭ ۋاقىتىلى جۇرگىزىلمەۋى جانە اۋدان ىشىندەگى قوقىستاردىڭ تازالانباۋىنا بايلانىستى، اۋدان تۇرعىندارىنا اۋىز سۋ جەتكىزۋدى جۇيەلى تۇردە ۇيىمداستىرا الماعان اۋدان اكىمى راحات ەلتيزاروۆقا دا سوگىس جاريالاندى. بۇعان دەيىن اۋدان اكىمىنە اۋماقتاردى سانيتارلىق تازالاۋ جانە قاتتى تۇرمىستىق قالدىقتاردى جيناۋ بويىنشا بىرنەشە رەت تاپسىرما بەرىلگەن بولاتىن»، دەلىنگەن حابارلامادا.

اپپاراتتىق جيىندا وبلىس اكىمىنىڭ ءبىرىنشى ورىنباسارى ءاليحان قىراۋبايەۆ وڭىردەگى جۇمىسپەن قامتۋ جول كارتاسىنىڭ ورىندالىسى جونىندە باياندادى. ماڭعىستاۋ وبلىسىندا جۇمىسپەن قامتۋدىڭ جول كارتاسى شەڭبەرىندە 5350 جۇمىس ورنى قۇرىلدى. اپپاراتتىق جيىن كەزىندە ماڭعىستاۋ وبلىسىنداعى كوروناۆيرۋس ينفەكسياسىنا قاتىستى ەپيدەميولوگيالىق احۋال ءسوز بولدى. وبلىس بويىنشا اكىمدىكتەر جانىنان قۇرىلعان مونيتورينگ توپتار سوڭعى 5 كۇندە رەيد جۇرگىزىپ، 577 نىساندى تەكسەردى. ناتيجەسىندە كارانتين تالاپتارىن بۇزعان 6 نىسان يەسىنە ەسكەرتۋ بەرىلدى.