كاسىبي فوتوگرافتار كيەلى ولكەنىڭ كورىكتى جەرلەرىن فوتوعا ءتۇسىرىپ قايتتى

اقتاۋ. قازاقپارات - ەلىمىزگە بەلگىلى فوتوسۋرەتشى اسىلحان ءابدىرايىم ۇلى باستاعان «فوتوونەر» ق ب مۇشەلەرى ماڭعىستاۋدىڭ كەرەمەت جەرلەرىن ارالاپ، فوتوعا ءتۇسىردى.

بۇل تۋرالى قوعامدىق كوممۋنيكاتسيا ورتالىعىندا وتكەن بريفينگىدە ءمالىم بولدى، - دەپ حابارلايدى قازاقپارات ءتىلشىسى.

7-10 - ماۋسىم ارالىعىندا وتكەن فوتو- ەكسپەديتسيانىڭ نەگىزگى ماقساتى - ءار ولكەنىڭ تىلسىم تابيعاتىن، ادەمى، كوركەم جەرلەرىن، ۇلتتىق ونەرىن، ءداستۇرى مەن مادەنيەتىن كورسەتىپ، شەت مەملەكەتكە تانىتۋ.

«فوتو ونەر» ق ب مۇشەلەرى 4 كۇن ىشىندە ءتۇپقاراعان، ماڭعىستاۋ، قاراقيا اۋدانىندا بولىپ، العاش رەت ءوڭىردىڭ كيەلى جەرلەرىنە تاڭعى جانە تۇنگى ادىسپەن فوتو- ءتۇسىرىلىم جاسادى. بوزجىرا، ىبىقتى، تامشالى، جىعىلعان، ساۋرا، شەرقالا، ايراقتى سەكىلدى ماڭعىستاۋدىڭ سىرلى جەرلەرىن (14 نىسان) ەكسپەديتورلار فوتوعا ءتۇسىردى.

«ماڭعىستاۋ تابيعاتىنىڭ كوركەمدىگىنە كوز تويمايدى. سالت- ءداستۇردى وتە بەرىك ۇستانعان جەر. تۇيە شارۋاشىلىعى دامىعان. شۇباتتىڭ وتانى سانالادى. وسىنىڭ ءبارىن بولاشاق ۇرپاققا قالدىرعىمىز كەلەدى. مىڭ ءسوزدى ءبىر سۋرەتپەن جەزگىزۋ — بار ماقساتىمىز»، - دەدى تۇركىستان وبلىسىنىڭ فوتوگرافى، «فوتو ونەر» ق ب مۇشەسى ماقسات شاعىرباي.

ەكسپەديتسيا مۇشەلەرى ماڭىستاۋدىڭ كەرەمەتتەرىمەن قوسا ساپاردىڭ سوڭعى كۇنىن اقتاۋ قالاسىنىڭ كاسپيي جاعالاۋىنداعى كورىنىسكە ارنادى. شاحار تۇرعىندارىنىڭ تەڭىز جاعاسىنداعى سەرۋەنىن، جاستاردىڭ شىرقاعان ءانىن، بوبەكتەردىڭ باقىتتى كۇلكىسىن ءساتتى كادرعا ءتۇسىردى. ەكسپەديتسيا بارىسىندا جاس فوتوگرافتارعا شەبەرلىك ساعاتىن وتكىزۋ جوسپارلانعان بولاتىن. كارانتينگە بايلانىستى بۇل شارا كەيىنگە قالدىرىپ، بولاشاقتا ونلاين تۇردە وتەتىن بولدى.

وسىلايشا ءار ايماقتا وتكىزىلگەن «فوتو ونەر» ق ب مۇشەلەرىنىڭ 7-ەكسپەديتسياسى كيەلى ولكەدە وتكىزىلدى.

«فوتوگرافيا - ءبىر ۇعىم بولعانىمەن ونىڭ جانرى ءارتۇرلى. ءبىزدىڭ قۇرامداعى شەبەر مامانداردىڭ ءبىرى تابيعاتتى، ءبىرى ادامنىڭ بەينەسىن، ەندى ءبىرى تۋريستىك الەۋەتىن فوتوعا الدى. شەتەلدىڭ كەرەمەت جەرلەرى مەن نىساندارىن عالامتوردان ىزدەگەندە كاسىبي سۋرەتتەرگە تاپ بولاسىڭ. ال، بىزدە كوبىنەسە اۋەسقوي تۇسىرگەن ساپاسىز سۋرەتتەر شىعادى. وسى ولقىلىقتىڭ ورنىن تولتىرۋ ءۇشىن دە اتالعان جۇمىستى قولعا الدىق»، - دەيدى ت. جۇرگەنوۆ اتىنداعى ونەر اكادەمياسىنىڭ ۇستازى، الماتى قالاسىنىڭ «فوتو ونەر» ق ب جەتەكشىسى وڭعاربەك الحاروۆ.

فوتو- ەكسپەديتسياعا، سونداي- اق، «فوتو ونەر» ق ب مۇشەسى ەرنۇر ماناپقان ۇلى، باتىس قازاقستان وبلىسى «فوتو ونەر» ق ب ءتوراعاسى مەيىربەك تاجكۋرانوۆ، ماڭعىستاۋ وڭىرلىك «فوتونەر» قب جەتەكشىسى سەرىك مايەمەروۆ، «فوتوونەر» قب جاس مۇشەسى سالاۋات جانىبەك ۇلى قاتىستى. ماڭعىستاۋ وبلىسى اكىمدىگى جانە ماڭعىستاۋ وبلىسىنىڭ ينۆەستيتسيالار جانە تۋريزمدى دامىتۋ باسقارماسىنىڭ ۇيىمداستىرۋىمەن وتكەن «شەجىرەلى ماڭعىستاۋ» فوتو- ەكسپەديتسياسىنداعى ساپاردان تۇسىرىلگەن سۋرەتتەردى www.fotooner.kz سايتىنان جانە رەسپۋبليكالىق ب ا ق بەتتەرىنەن تاماشالاي الاسىزدار.

ايتا كەتەيىك بۇل شارا الداعى ۋاقىتتا جالعاسىن تاباتىن بولادى.

اۆتور: ءلايلىم ءالىم