شىمكەنت اكىمى ۆيرۋس جۇقتىردى ما؟
بۇل سۇراققا قالا ءۇشىنشى مەگاپوليس اكىمىنىڭ باسپا ءسوز حاتشىسى اراي ەسەنبەك رەسمي جاۋاپ بەردى.
«ءيا، ەلجان ءبىرتانوۆ 10 -ماۋسىم كۇنى شىمكەنت قالاسىندا قۇرىلىسى اياقتالعان ينفەكسيالىق گوسپيتال عيماراتىمەن ارنايى كەلىپ تانىسقان بولاتىن. دەسە دە، قالا اكىمى وعان دەيىن جانە ودان كەيىن دە تەست تاپسىرعان. سوڭعى رەت كەشەگى جەكسەنبىدە تاپسىرعان تەست ناتيجەسى تەرىس بولىپ شىقتى. سوعان قاراماستان مۇرات ايتەنوۆ ادامدار كوپ شوعىرلاناتىن جەرگە شىقپاي، ءوز كابينەتىندە قاشىقتىقتان جۇمىسىن جالعاستىرۋدا.»، - دەدى ول.
سونداي-اق، اراي ەسەنبەك مۇرات ايتەنوۆتىڭ جيىنداردى ونلاين رەجيمدە وتكىزىپ وتىرعانىن جانە ساقتىق شارالارى ءوز دەڭگەيىندە ساقتالىپ جاتقاندىعىن باس ايتتى.
«جالپى مۇرات دۇيسەنبەك ۇلى تۇراقتى تۇردە اپتاسىنا ءبىر-ەكى رەت COVID - 19 ۆيرۋسىنا تەست تاپسىرىپ تۇرادى»، - دەگەن قالا اكىمىنىڭ باسپا ءسوز حاتشىسى ايتەنوۆتىڭ دەنساۋلىعى ءۇشىن الاڭداعان ازاماتتارعا العىسىن ءبىلدىردى.
