اسحات ايماعامبەتوۆ وقشاۋلاندى
قازىر مينيستر وقشاۋلانىپ جاتىر، دەپ حابارلايدى قازاقپارات ءتىلشىسى.
«ءبىلىم جانە عىلىم ءمينيسترى COVID-19 بويىنشا تەستتەن ءوتتى. ودان ك ۆ ي انىقتالعان جوق. اسحات قانات ۇلىنىڭ جاعدايى جاقسى. ايتسە دە بەكىتىلگەن رەگلامەنتكە سايكەس ول وقشاۋلانىپ، قاشىقتان جۇمىس ىستەيتىن بولادى»، - دەپ حابارلادى مينيسترلىكتىڭ باسپا ءسوز قىزمەتىنەن. جۋىق ارادا مينيستر قايتادان اناليزدەن وتەدى. ب ع م باسپا ءسوز قىزمەتى ءمينيستردىڭ بەكىتىلگەن رەگلامەنت بويىنشا تەستتەن وتەتىنىن حابارلايدى.
سەبەبى اسحات ايماعامبەتوۆ مەملەكەتتىك ورگانداردىڭ وزگە وكىلدەرىمەن، ونىڭ ىشىندە دەنساۋلىق ساقتاۋ ءمينيسترى ەلجان بىرتانوۆپەن جۇمىس بارىسىندا جاقىن قاشىقتىقتا بولعان.
ەسكە سالا كەتسەك، كەشە دەنساۋلىق ساقتاۋ ءمينيسترى ەلجان ءبىرتانوۆ Facebook پاراقشاسىندا كوروناۆيرۋس جۇقتىرعانىن حابارلاعان ەدى.
سونىمەن بىرگە، 12-ماۋسىمدا ق ر پرەمەر-ءمينيسترى اسقار مامين جامبىل وبلىسىنا جۇمىس ساپارىمەن بارىپ قايتتى، وندا دەنساۋلىق ساقتاۋ ءمينيسترى ە. ءبىرتانوۆ تا بولعان ەدى. وسىعان بايلانىستى ۇكىمەت باسشىسى دا وقشاۋلانۋعا ءماجبۇر بولىپ وتىر.
