شەتەلدەن اۋە رەيسىمەن كەلگەندەرگە شەكتەۋ شارالارى قانداي
بۇل جايىندا ق ر باس مەملەكەتتىك سانيتارلىق دارىگەرى ايجان ەسماعامبەتوۆانىڭ بۇگىن جاريالانعان قاۋلىسىندا ايتىلعان، دەپ حابارلايدى قازاقپارات.
اتالعان قاۋلىعا سايكەس، قازاقستان رەسپۋبليكاسىنا شەت ەلدەن تۇراقتى ەمەس اۆيارەيستەرمەن كەلگەن ادامدارعا قاتىستى شەكتەۋ شارالارى مىناداي تارتىپپەن جۇرگىزىلەدى:
قازاقستان رەسپۋبليكاسىنىڭ ۇكىمەتتىك دەلەگاتسيالارىن، قازاقستان رەسپۋبليكاسى سىرتقى ىستەر مينيسترلىگىنىڭ شاقىرۋى بويىنشا قازاقستان رەسپۋبليكاسىنا كەلەتىن شەت مەملەكەتتەردىڭ جانە حالىقارالىق ۇيىمداردىڭ رەسمي دەلەگاتسيالارىنىڭ مۇشەلەرىن؛ قازاقستان رەسپۋبليكاسىندا اككرەديتتەلگەن ديپلوماتيالىق وكىلدىكتەردىڭ، كونسۋلدىق مەكەمەلەردىڭ جانە حالىقارالىق ۇيىمدار وكىلدىكتەرىنىڭ قىزمەتكەرلەرىن جانە ولاردىڭ وتباسى مۇشەلەرىن؛ اۆياكومپانيالار ەكيپاجدارىن؛ قازاقستان رەسپۋبليكاسىنىڭ مەملەكەتتىك شەكاراسىن كەسىپ ءوتۋ كەزىندە الىنعان ساتتەن باستاپ 5 تاۋلىكتەن اسپايتىن ۋاقىت وتكەن پتر ادىسىمەن زەرتحانالىق تەكسەرۋدىڭ تەرىس ناتيجەسى بار COVID-19-عا تەكسەرۋ تۋرالى انىقتاما بەرگەن ادامداردى قوسپاعاندا، قازاقستان رەسپۋبليكاسىنا شەت ەلدەن تۇراقتى ەمەس اۆيارەيستەرمەن كەلگەن بارلىق ادامدار COVID-19-عا زەرتحانالىق تەكسەرۋ جۇرگىزۋ ءۇشىن 2 تاۋلىككە دەيىن كارانتيندىك ستاتسيوناردا وقشاۋلاۋعا جاتادى.
«COVID-19-عا زەرتحانالىق تەكسەرۋ ناتيجەلەرىن العاننان كەيىن وڭ ناتيجەسى بار ادامدار ينفەكتسيالىق ستاتسيونارعا اۋىستىرىلادى، COVID-19-عا تەرىس ناتيجەسى بار ادامدارعا وسى قاۋلىعا 33-قوسىمشاعا سايكەس ءتيىستى قولحات الىنا وتىرىپ، COVID-19 ىقتيمال سيمپتومدارى تۋرالى ءتۇسىندىرۋ جۇرگىزىلەدى. COVID-19 دى جوققا شىعارمايتىن بەلگىلەرى بار ادامدار كارانتيندىك ستاتسيونارعا ەمەس، پروۆيزورلىق ستاتسيونارعا ەمدەۋگە جاتقىزىلادى»، - دەلىنگەن قۇجاتتا.
سونىمەن قاتار قازاقستان رەسپۋبليكاسىنىڭ مەملەكەتتىك شەكاراسىن كەسىپ ءوتۋ كەزىندە الىنعان ساتتەن باستاپ 5 تاۋلىكتەن اسپايتىن ۋاقىت وتكەن پ ت ر ادىسىمەن زەرتحانالىق تەكسەرۋدىڭ تەرىس ناتيجەسى بار COVID-19-عا تەكسەرۋ تۋرالى انىقتاما بەرگەن ادامدار COVID-19-عا زەرتحانالىق تەكسەرۋ جۇرگىزۋ ءۇشىن 2 تاۋلىككە دەيىن كارانتيندىك ستاتسيوناردا وقشاۋلانبايدى.
ولارعا وسى قاۋلىعا 33-قوسىمشاعا سايكەس ءتيىستى قولحات الىنا وتىرىپ، COVID-19 ىقتيمال سيمپتومدارى تۋرالى ءتۇسىندىرۋ جۇرگىزىلەدى.
ەسكە سالساق، قاۋلى وزگەرىستەرىنە سايكەس تۇركيادان كەلگەن جولاۋشىلار 48 ساعات ىشىندە پ ت ر تەست تاپسىرۋعا مىندەتتى.
