دەرەۆيانچەنكو گولوۆكينمەن رەۆانش تۋرالى ايتتى
ونىڭ بارىسىندا قازاقستاندىق گەننادي گولوۆكينگە (40-1-1، 35 ك و) قارسى وتكەن سوڭعى جەكپە-جەگى تۋرالى ايتتى.
قازاقپارات بۇل تۋرالى Sports.kz سايتىنا سىلتەمە جاساپ حابارلايدى.
ەسكە سالا كەتسەك، وتكەن جىلدىڭ قازان ايىندا دەريەۆيانچەنكو مەن گولوۆكين IBF- ءتىڭ بوس تيتۋلى ءۇشىن جەكپە-جەك وتكىزگەن بولاتىن. 12 راۋندقا سوزىلعان ايقاستا تورەشىلەر جەڭىستى ءبىراۋىزدان گولوۆكينگە بەردى.
«جەكپە-جەكتى قايتا كورىپ شىعۋىما ۋاقىتىم بولدى جانە جەڭىسكە مەن جەتتىم دەپ ويلايمىن»، - دەدى سەرگەي.
تورەشىلەر شەشىمىمەن جەڭىلىس تاپقانىنا قاراماستان، ۋكراينالىق بوكسشى بۇل كەزدەسۋ ءوز مانسابى ءۇشىن تەك وڭ ىقپال ەتكەنىن اتاپ ءوتتى.
«وسى جەكپە-جەكتىڭ ارقاسىندا تانىمالدىلىعىم ارتا تۇسكەنىن بىلەمىن. ءبىراق مەن وعان كوپ دايىندالدىم، ابدەن جاتتىقتىم جانە كورسەتكەن ونەرىمە ءدان ريزامىن. مۇنى ءبارى ارتتا قالعانىمەن، مۇنىڭ كەزدەيسوق بولماعانىن جانە الەم چەمپيونى ەكەنىمدى بارلىعىنا دالەلدەۋ ءۇشىن، بۇدان دا كوپ جاتتىعۋعا ىنتالاندىرادى»، - دەدى ول.
دەريەۆيانچەنكو «گولوۆكينمەن ريەۆانشتى قۋانا وتكىزۋگە دايىن ەكەنىن، ءبىراق ونىمەن ءبىر مەزگىلدە، مۇنىڭ مۇمكىن ەمەستىگىن ايتتى. سەبەبى گەنناديدى كاميل شەرەمەتامەن مىندەتتى جەكپە-جەك كۇتىپ تۇر. سونداي-اق «كانەلو» الۆارەسپەن ءۇشىنشى كەزدەسۋ ءوتۋى ىقتيمال.
