اتىراۋ كوشەلەرىمەن اۋىر جۇكتى الىپ ءوتتى

اتىراۋ. قازاقپارات - اتىراۋ قالاسىنىڭ كوشەلەرىمەن اۋىر جۇكتى الىپ ءوتتى، دەپ حابارلايدى قازاقپارات.

كەشە «Sarens Kazakhstan» ج ش س ءىرى گاباريتتى 5 تەحنولوگيالىق جابدىقتى تاسىمالداۋدى باستادى.

بۇل جۇكتەر وڭتۇستىك كورەيادان «اتىراۋ وزەن» پورتىنا جەتكىزىلگەن ەدى. ەندى ونى قاراباتان اۋىلىنىڭ ماڭىنداعى گاز-حيميالىق زاۋىتىنىڭ قۇرىلىس الاڭىنا دەيىن تاسىمالدايدى.

«الىپ جۇك قوجاقايەۆ كوشەسى مەن ازاتتىق داڭعىلى، س. دات ۇلى، ەليەۆاتور، ز. قابدولوۆ كوشەلەرى ارقىلى بىرلىك ىقشاماۋدانىنا ءوتىپ، «اتىراۋ-دوسسور» تاس جولىنا باعىت الادى.

وسىعان وراي، اتالعان كوشەلەردەگى كەيبىر باعدارشام، وزگە دە باعانالار جۇك كولىگىنە كەدەرگى كەلتىرمەس ءۇشىن الىنادى. سونداي-اق، تاسىمال ۋاقىتىندا كورسەتىلگەن كوشە جولدارى ۋاقىتشا جابىلىپ، ىستىق سۋ، جىلۋ جەلىسى مەن ەلەكتر ەنەرگياسى اجىراتىلادى»، دەپ حابارلادى وڭىرلىك كوممۋنيكاتسيالار قىزمەتى.

مۇنداي ءىرى گاباريتتى جۇكتى تاسىمالداۋ 21، 28- ماۋسىمدا، سونداي-اق، 5، 12، 19- شىلدەدە جالعاساتىن بولادى.

ەسكە سالا كەتەلىك، اتىراۋدا 5 جىل ۇزىلىستەن كەيىن وزەن پورتى جۇمىسىن قايتا باستادى.