ەلباسى نازاربايەۆ ۋنيۆەرسيتەتى قالاي داميتىنىن ايتتى
«2010 -جىلى ەلىمىزدە جاڭا ۋنيۆەرسيتەتتىڭ نەگىزى قالاندى. وسىنداي ۋنيۆەرسيتەتتىڭ بولۋىن ارماندادىم. تاۋەلسىز ەلىمىزدە، جاڭا ەلوردادا مامان دايىندايتىن، جاستاردى عىلىمعا باۋليتىن وقۋ ورنى كەرەك بولدى. بار- جوعى 10 جىلدىڭ ىشىندە ءبىزدىڭ نەگىزگى ماقساتتارىمىز ورىندالدى. نازاربايەۆ ۋنيۆەرسيتەتى (Nazarbayev University) يننوۆاتسيالىق كلاستەر رەتىندە تولىق قالىپتاسىپ وتىر. بۇگىندە وقۋ ورنى ءبىلىم جانە يننوۆاتسيانى بىرىكتىرىپ، حالىقارالىق مويىنداۋعا يە بولعان زەرتتەۋ ورتالىعىنا اينالدى»، - دەدى ەلباسى ءوزىنىڭ قۇتتىقتاۋىندا.
وسى ورايدا تۇڭعىش پرەزيدەنت بۇل وقۋ ورنىنا مەكتەپتى ۇزدىك بىتىرگەن، عىلىمعا بەيىم تالانتتى جاستار ۇلكەن كونكۋرستان ءوتىپ تۇسكەنىن اتاپ ءوتتى. مۇندا عىلىممەن اينالىسۋ ءۇشىن قولايلى جاعداي جاسالعان. سونىمەن قاتار ەلباسى وسى جىلدارى 5 مىڭعا جۋىق ادام وقۋ ورنىنىڭ تۇلەگى اتانعانىن، ونىڭ بارلىعى وزدەرىن سۇرانىسقا يە مامان رەتىندە كورسەتكەنىن جەتكىزدى.
«ۋنيۆەرسيتەتتىڭ دامۋى جالعاسادى. ستارتاپتار ءۇشىن ارنايى زەرتحانالاردى دامىتامىز. بولاشاقتا جوباسىن جۇزەگە اسىرۋعا نيەتتى جاس عالىمدارعا كومەكتەسىپ، ولاردى وندىرىسكە شىعارۋ باعىتىندا ۆەنچۋرلىق قورلار قۇرامىز. بۇل وقۋ ورنىن قۇرۋ كەزىندە وعان كوشباسشىلاردىڭ جاڭا بۋىنىن وقىتۋ مىندەتى جۇكتەلدى. عىلىم، تەحنولوگيالار، كاسىپكەرلىك، مەديتسينا، مەملەكەتتىك باسقارۋ جانە باسقا دا سالالارعا تىڭ سەرپىن اكەلەتىن مامان دايارلاۋ كوزدەلدى. الدىمىزعا قويعان بۇل ماقساتقا دا قول جەتكىزدىك»، - دەدى ق ر تۇڭعىش پرەزيدەنتى. ن. نازاربايەۆ بۇگىندە ۋنيۆەرسيتەت تۇلەكتەرى ەلىمىزدىڭ جاڭا ينتەللەكتۋالدى ەليتاسىن قالىپتاستىرىپ جاتقانىن قاداپ ايتتى.
«مەنىڭ دە ارمانىم سول ەدى. قازاقستاندا وسىنداي وقۋ ورنى بولعانىنا قۋانىشتىمىن. ەلىمىزدى جارقىن بولاشاققا باستاپ، قازاقستاننىڭ دامۋى مەن وركەندەۋىن قامتاماسىز ەتەتىن بولاسىزدار. بارشاڭىزدى نازاربايەۆ ۋنيۆەرسيتەتىنىڭ 10 جىلدىق مەرەيتويىمەن شىن جۇرەگىمنەن قۇتتىقتايمىن!»، - دەدى ەلباسى.
بۇدان بۇرىن حابارلانعانداي، ەلباسى نۇرسۇلتان نازاربايەۆ Nazarbayev University تۇلەكتەرى مەن پروفەسسور- وقىتۋشىلار قۇرامىن وقۋ ورنىنىڭ 10 جىلدىق مەرەيتويىمەن قۇتتىقتادى .
اۆتور: رۋسلان عابباسوۆ
