د. ترامپ: امەريكا بۇدان بىلاي وزگە ەلدەردەگى اسكەري قاقتىعىستارعا ارالاسپايدى

نۇر-سۇلتان. قازاقپارات - «ا ق ش ءۇشىن شەكسىز سوعىستار زامانى اياقتالدى. امەريكا بۇدان بىلاي وزگە ەلدەردەگى اسكەري قاقتىعىستارعا ارالاسىپ، ولاردى رەتتەۋمەن اينالىسپايدى. ەشكىمگە ءجونسىز ۇرىنبايدى. سوققى بەرمەيدى، سوقتىقپايدى».

پرەزيدەنت دونالد ترامپ «ۆەست- پوينت» اسكەري اكادەمياسىنىڭ تۇلەكتەرى الدىندا وسىلاي دەپ مالىمدەدى.

ونىڭ ايتۋىنشا، ەندى امەريكالىق جاۋىنگەرلەر ەلدىڭ تەك اسا ماڭىزدى ماسەلەلەرىنە ءمان بەرىپ، مەملەكەتتىك مۇددەلەرىن قورعايدى. ايتا كەتەيىك، اق ءۇي باسشىسى بۇعان دەيىن گەرمانيادان 9 مىڭنان استام جاۋىنگەرىن شىعاراتىنى تۋرالى ايتقان. رەسمي بەرلين ترامپتىڭ مالىمدەمەسىن سىنعا الدى.

دونالد ترامپ، ا ق ش پرەزيدەنتى:

- ءبىز ءتۇبى جوق سوعىس تۇسىنىگىنە بالتا شاۋىپ، قاقتىعىستار كەزەڭىن اياقتايمىز. ا ق ش بۇدان بىلاي تەك ءوز مۇددەسىن قورعايدى. ەشكىمنىڭ ىسىنە ارالاسپايمىز. مەيلىنشە ءوز شەبىمىزدى قورعاۋمەن اينالىسامىز. ا ق ش اسكەرى كىسى بالاسى بىلە بەرمەيتىن، ەل ەستىمەگەن شالعايداعى قاقتىعىستارعا باس سۇقپاۋى ءتيىس. وزگەنىڭ ماسەلەسىن شەشۋ ەندى ءبىزدىڭ ءىس بولماۋى كەرەك. ءبارىن تارتىپكە شاقىراتىن الەم پوليتسياسى سەكىلدەنگەن مەملەكەت ەمەسپىز. ءبىراق بىزگە سوقتىققانداردى ايامايمىز.

www.24.kz