قازاقستاندىق «توميريس» فيلمى ا ق ش- تاعى كينوتەاترلاردا كورسەتىلەدى
«امەريكا قۇراما شتاتىنىڭ اۋماعىندا «توميريس» فيلمىنىڭ ديستريبۋتسيا قۇقىعى ساتىپ الىنعانى تۋرالى Variety, Hollywood Reporter جانە Screen Daily باسىلىمدارى جاريالادى. وسى مامىلەنىڭ ناتيجەسىندە Arclight Films كومپانياسى قازاقستاندىق درامانىڭ ا ق ش اۋماعىندا تاراتۋ قۇقىعىن Well Go USA كومپانياسىنا ساتتى»، دەلىنگەن حابارلامادا.
«مىقتى ايەلدەردىڭ ەرلىگىن پاش ەتىپ، شىنايى وقيعالارىنا قىزىعۋشىلىق تانىتاتىن الەمدە ءومىر ءسۇرىپ جاتقانىمىزعا قۋانىشتىمىز»، - دەدى Arclight Films باسشىسى گەري حەميلتون.
ەسكە سالساق، كينوتۋىندى ءبىزدىڭ زامانىمىزعا دەيىنگى VI عاسىردا بولعان وقيعانى سۋرەتتەيدى. فيلمدە كىشكەنتاي قىزدان ايبىندى جاۋىنگەرگە اينالعان، جاقىندارىنان ايرىلىپ، ساتقىنداردان ءوشىن العان جانە ساق تايپالارىن بىرىكتىرگەن ۇلى دالانىڭ اتى اڭىزعا اينالعان توميريس پاتشايىمىنىڭ تاعدىرى باياندالادى. فيلم ق ر مادەنيەت جانە سپورت مينيسترلىگىنىڭ تاپسىرىسىمەن «قازاقفيلم» كينوستۋدياسىندا Sataifilm كومپانياسىنىڭ قاتىسۋىمەن تۇسىرىلگەن.
«بۇل ەپيكالىق فيلم تاڭعاجايىپ پەيزاجدارمەن كوركەمدەلىپ، جوعارعى ساپادا تۇسىرىلگەندىكتەن كورەرمەندەردى بىردەن باۋراپ الاتىنى ءسوزسىز»، - دەپ جازدى Variety باسىلىمى.
«تاڭعاجايىپ وقيعالاردى ءبىز ەرەكشە ۇناتامىز. سوندىقتان دا العاشقى تاريحي «امازون پاتشايىمىنىڭ» قۇپياعا تولى وقيعاسى باسقالارعا قاراعاندا سەنىمدىرەك»، - دەدى Well Go USA Entertainment پرەزيدەنتى جانە اتقارۋشى ديرەكتورى دوريس پفاردرەشەر Hollywood Reporter تىلشىسىنە.
