10:42, 14 - ماۋسىم 2020 | GMT +5
الماتى تاۋلارىندا دانا اتتى قار بارىسى بالالارىمەن بىرگە سەرۋەندەپ ءجۇر
الماتى. قازاقپارات - الماتى ماڭىنداعى تاۋلاردا بىرنەشە قار بارىسى فوتوتۇزاققا ءتۇسىپ قالدى. ۆيدەونى «Kazakh Tourism» ۇلتتىق كومپانياسى» ا ق باسقارما ءتوراعاسى ەرجان ەركىنبايەۆ Instagram پاراقشاسىندا جاريالادى، دەپ حابارلايدى قازاقپارات.
«كامەرامىزعا جاڭا كورىنىستەردى ءتۇسىرىپ الدىق! دانا ءالى كۇنگە دەيىن بالالارىن ماپەلەپ ءجۇر. ال ولار اناسىنان دا ۇلكەن بولىپ ءوسىپ كەتكەن. وزدەرى تاماق تاۋىپ جەسە بولادى عوي. كۇشىكتەردىڭ جاعدايى جاقسى سياقتى. تەرىسى جىلتىراپ تۇر، اش- ارىق ەمەس. بۇل جاقسى» دەپ جازدى ەرجان ەركىنبايەۆ.
ەسكە سالا كەتەيىك، دانا اتتى ۇرعاشى قار بارىسى جىل باسىندا ەكى بالاسىمەن ۆيدەوعا ءتۇسىپ قالعان ەدى. تاياۋدا الماتى تاۋلارىندا ەكى قابىلاننىڭ كۇيەك كەزىندەگى «اڭگىمەسى» الەۋمەتتىك جەلىدە تاراعان بولاتىن. ىلە الاتاۋى مەملەكەتتىك ۇلتتىق تابيعي پاركىنىڭ تاريحىندا العاش رەت ءۇش بىردەي قار بارىسى 2018 -جىلدىڭ جەلتوقسانىندا كوزگە تۇسكەن.
