11:30, 13 - ماۋسىم 2020 | GMT +5
ەۋرو وداق كوروناۆيرۋس پاندەمياسىنا بايلانىستى ورتالىق ازياعا قولداۋ كورسەتتى
بريۋسسەل. قازاقپارات – ە و سىرتقى ىستەر جانە قاۋىپسىزدىك ساياساتى جونىندەگى جوعارعى وكىلى جوزەپ بوررەل ورتالىق ازيا ەلدەرىنىڭ سىرتقى ىستەر مينيسترلەرىمەن بەينەكونفەرەنسيا وتكىزدى، دەپ حابارلايدى قازاقپاراتتىڭ مەنشىكتى ءتىلشىسى ەۋرووداقتىڭ ديپلوماتيالىق قىزمەتى سايتىنا سىلتەمە جاساپ.
بەينەكونفەرەنسيا بارىسىندا ءبىرقاتار وڭىرلىك جانە حالىقارالىق ماسەلەلەر بويىنشا پىكىر الماسىلدى. اتاپ ايتقاندا، ورتالىق ازيا بويىنشا ە و ستراتەگياسىن ىسكە اسىرۋ، كوروناۆيرۋس پاندەمياسىنىڭ سالدارى مەن ايماقتىق ىنتىماقتاستىق، سونىڭ ىشىندە اۋعانستانمەن ىنتىماقتاستىق ماسەلەلەرى تالقىلاندى.
جوزەپ بوررەل ە و اتىنان پاندەمياعا بايلانىستى ورتالىق ازياعا باتىل قولداۋ ءبىلدىردى. ەۋرو وداق ورتالىق ازياداعى كەيبىر ەلدەرگە (قىرعىزستانعا، تاجىكستانعا جانە وزبەكستانعا) كومەكتەسۋ ءۇشىن 123 ميلليون ەۋرو بولگەن. ەۋروپا ينۆەستيتسيالىق بانكى مەن ەۋروپا قايتا قۇرۋ جانە دامۋ بانكى ءوز تاراپىنان كوروناۆيرۋسقا بايلانىستى ءوڭىر ءۇشىن نەسيەلىك قاراجات «پاكەتىن» ءبولدى.
