21:46, 12 - ماۋسىم 2020 | GMT +5
ۋكراينا پرەزيدەنتىنىڭ جارىنان كوروناۆيرۋس انىقتالدى
نۇر-سۇلتان. قازاقپارات - ۋكراينا پرەزيدەنتى ۆلاديمير زەلەنسكيدىڭ جارى ەلەنا زەلەنسكايانىڭ COVID-19-عا تاپسىرعان تەستى وڭ ناتيجە كورسەتتى.
دەگەنمەن ۋكراينانىڭ ءبىرىنشى حانىمى ءوزىن جاقسى سەزىنەدى جانە اۋرۋدىڭ بەلگىلەرى بايقالمايدى. قازىر ول امبۋلاتوريالىق ەم الۋدا جانە وتباسى مۇشەلەرىنەن وقشاۋلانعان، دەپ حابارلادى korrespondent.net.
ۆلاديمير زەلەنسكيي مەن بالالارى دا كوروناۆيرۋسقا تەست تاپسىردى، ولاردىڭ ناتيجەلەرى تەرىس بولىپ شىقتى. سونىمەن قاتار ءبىرىنشى حانىمنىڭ ۇنەمى كارانتين ەرەجەلەرىن قاتاڭ ساقتاپ جۇرگەنى ايتىلۋدا. ونىڭ ماۋسىم ايىنىڭ باسىندا تاپسىرعان تەستى تەرىس ناتيجە كورسەتكەن.
