زەينەتاقى قورىنداعى سوما نەگە وزگەرىپ وتىرادى

الماتى. قازاقپارات - ءبىرىڭعاي جيناقتاۋشى زەينەتاقى قورى ينۆەستيتسيالىق تابىس سوماسىنىڭ نەگە وزگەرىپ وتىراتىنىن ءتۇسىندىردى، دەپ حابارلايدى قازاقپارات ءتىلشىسى.

ءبىرىڭعاي جيناقتاۋشى زەينەتاقى قورى، زەينەتاقى اكتيۆتەرىنىڭ ينۆەستيتسيالارىن ءار ءتۇرلى ۆاليۋتالارداعى سەنىمدى قارجى قۇرالدارىنا ءارتاراپتاندىرۋ قازاقستاندىقتاردىڭ زەينەتاقى جيناقتارىن ۆاليۋتالىق جانە نارىقتىق قايتا باعالاۋ تاۋەكەلدەرىنەن قورعايتىنىن ءمالىم ەتتى.

سونىمەن قاتار، قور زەينەتاقى جيناقتارى زەينەتاقى جارنالارى مەن سالىمشىلاردىڭ جيناقتارىن سەنىمدى قارجى قۇرالدارىنا ينۆەستيتسيالاۋدان تۇسكەن ينۆەستيتسيالىق كىرىستەن تۇراتىنىن ەسكە سالدى. زەينەتاقى جارنالارىن جيناقتاۋ جانە وسى جيناقتاردىڭ ءوسۋى ءۇشىن ينۆەستيتسيالاۋمەن سەنىمگەرلىكپەن باسقارۋشى - قازاقستان ۇلتتىق بانكى اينالىسادى.

«تاۋەكەلدەردى ازايتۋ ماقساتىندا قارجى قۇرالدارى ينۆەستيتسيالاۋدىڭ تۇرلەرى، باعىتتارى، ونىڭ ىشىندە ۆاليۋتالار بويىنشا ءارتاراپتاندىرىلادى. قازىرگى ۋاقىتتا ينۆەستيتسيالاردىڭ 2/3 تەڭگەمەن جانە شامامەن 1/3 شەتەل ۆاليۋتاسىمەن، ونىڭ باسىم بولىگى - ا ق ش دوللارىمەن نومينالدانادى. بۇل ءتاسىل ۆاليۋتالىق جانە نارىقتىق قايتا باعالاۋ تاۋەكەلدەرىنەن قورعانىستى قامتاماسىز ەتەدى»، - دەدى ب ج ز ق بۇل رەتتە سالىمشىلاردىڭ (الۋشىلاردىڭ) زەينەتاقى جيناقتارىنىڭ سوماسى زەينەتاقى اكتيۆتەرىن ينۆەستيتسيالاۋ ناتيجەلەرىنە سايكەس كۇن سايىن قايتا ەسەپتەلىپ، قايتا باعالانىپ وتىراتىنىن اتاپ ءوتۋ ماڭىزدى. بۇل ينۆەستيتسيالىق تابىستىڭ تۇراقسىز شاما ەكەندىگىنە جانە ونىڭ قىسقا مەرزىم ىشىندە وڭ نەمەسە تەرىس بولۋىنا بايلانىستى.

«سول سەبەپتەن دە ينۆەستيتسيالىق تابىس مولشەرىن كەمىندە 1 جىل كەزەڭدە تالداعان ءجون، ويتكەنى زەينەتاقى جيناقتارى ۇزاقمەرزىمدى ينۆەستيتسياعا جاتادى. قىسقا مەرزىمدى دەرەكتەر (كۇن سايىنعى، اي سايىنعى جانە ت. ب. ) كورسەتكىش بولا المايدى، ولار كۇندەلىكتى نارىقتىق كونيۋنكتۋراعا تاۋەلدى. اعىمداعى جىلدىڭ قاڭتارىنان باستاپ 10 - ماۋسىمىنا دەيىن سالىمشىلاردىڭ شوتتارىنا 438,7 ميلليارد تەڭگە كولەمىندە تازا ينۆەستيتسيالىق تابىس ەسەپتەلدى»، - دەپ اتاپ ءوتتى قورداعىلار.

2019 -جىلى ب ج ز ق سالىمشىلارىنىڭ شوتتارىنا ەسەپتەلگەن تازا ينۆەستيتسيالىق كىرىس 641,8 ميلليارد تەڭگەنى (تابىستىلىق -% 6,57)، 2018 -جىلى 917,1 ميلليارد تەڭگەنى، 2017 -جىلى 550,6 ميلليارد تەڭگەنى، 2016 -جىلى 472,4 ميلليارد تەڭگەنى، 2015 -جىلى 761,5 ميلليارد تەڭگەنى قۇرادى. 2013 -جىلدىڭ قىركۇيەك ايىنان باستاپ 2020 -جىلدىڭ مامىر ايىنا دەيىن زەينەتاقى اكتيۆتەرىن باسقارۋ كەزەڭىندە ۇلتتىق بانكپەن قامتاماسىز ەتىلگەن ينۆەستيتسيالىق تابىس زەينەتاقى جيناقتارىنىڭ جالپى كولەمىنىڭ % 30 استامىن نەمەسە 3,8 تريلليون تەڭگەنى قۇرادى.

ەسكە سالايىق، ينۆەستيتسيالىق تابىس قۇرامىنا باعالى قاعازدار (سالىمدار جانە باسقا وپەراتسيالار) بويىنشا سىياقى، قارجى قۇرالدارىن نارىقتىق قايتا باعالاۋ، ۆاليۋتالىق قايتا باعالاۋ تۇرىندەگى تابىستار، سىرتقى باسقارۋداعى اكتيۆتەر بويىنشا الىنعان تابىستار كىرەدى. زەينەتاقى جيناقتارىنىڭ جالپى سوماسى 12 تريلليون تەڭگەگە جۋىقتادى.