ەلوردادا كارانتين شارالارى كۇشەيتىلۋى مۇمكىن
«قابىلدانعان كارانتين مەن شەكتەۋ شارالارىنا قاراماستان، كوروناۆيرۋس ينفەكتسياسى ءالى دە تىركەلۋدە. سانيتارلىق- ەپيدەميولوگيالىق جاعدايدىڭ ناشارلاۋىنا جول بەرمەۋ ءۇشىن بارلىق ازاماتتاردى، قالامىزدىڭ قوناقتارىن ادام كوپ جينالاتىن جەرگە بارماۋعا شاقىرامىز. قالادا بەكىتىلگەن كارانتين رەجيمىن ساقتاۋعا، كوروناۆيرۋس پاندەمياسى كەزىندە ءوزىنىڭ جانە وزگەنىڭ ومىرىنە ءقاۋىپ- قاتەر توندىرمەۋىنە شاقىرامىن. سونىمەن قاتار، بارلىق ۇيىم باسشىلارىنان كارانتين رەجيمىن قاتاڭ ساقتاپ، سانيتارلىق نورمالاردى ورىنداۋدى تالاپ ەتەمىن»، - جاننا پىراليەۆا ورتالىق كوممۋنيكاتسيالار قىزمەتىندە.
وسى ورايدا ول ۇيىم باسشىلارىنا قاراتا ايتقان سوزىندە شەكتەۋ شارالارى كۇشەيتىلۋى مۇمكىن ەكەنىن جەتكىزدى.
«ناۋقاستار سانى ارتقاندا جاعدايدا، قالانىڭ باس سانيتار دارىگەرى رەتىندە ەپيدەميولوگيالىق جاعدايدى باعالاي وتىرىپ، كوروناۆيرۋس ينفەكتسياسىنىڭ ارى قاراي تارالۋىنا جول بەرمەۋ ماقساتىندا شەكتەۋ ءارى كارانتين شارالارىن كۇشەيتۋ تۋرالى شەشىم قابىلداۋعا ءماجبۇر بولامىن»، - دەدى جاننا پىراليەۆا.
ونىڭ پايىمىنشا، ادامداردىڭ جاۋاپكەرشىلىككە سالعىرت قاراۋى قالاداعى ەپيدەميولوگيالىق جاعدايدى تۇراقتاندىرۋعا كەدەرگى كەلتىرىپ وتىر.
