كوروناۆيرۋستى جۇقتىرۋ قاۋپى از قان توبى انىقتالدى

نۇر -سۇلتان. قازاقپارات – ا ق ش عالىمداردى ءبىرىنشى قان توبىنداعى ادامداردا وزگەلەرگە قاراعاندا كوروناۆيرۋس جۇقتىرۋ قاۋپى تومەن ەكەنىن انىقتادى.

ولار زەرتتەۋ جۇمىسىنىڭ قورىتىندىسىن سايتتا جاريالادى.

زەرتتەۋگە 750 مىڭنان اسا ناۋقاس قاتىسقان. ونىڭ 10 مىڭنان استامىنا COVID-19 جۇقتىردى دەگەن دياگنوز قويىلعان.

عالىمدار ناۋقاستاردى جىنىسى، سالماعى مەن جاسىنا قاراي بولگەن. كەيىن ولار ءبىرىنشى قان توبىنداعىلار اراسىندا كوروناۆيرۋستىڭ تارالۋ دەڭگەيى 9-18 پايىزعا تومەن ەكەنىن انىقتادى.

ياعني، الدىن-الا مالىمەتتەرگە سايكەس، O قانىنىڭ ءتۇرى بارلىق باسقا قان تۇرلەرىمەن سالىستىرعاندا ۆيرۋستان قورعايتىن بولىپ كورىنەدى.

مالىمەتتەرگە سايكەس، O قان ءتيپى بار ادامدار باسقا قان تيپتەرى بار ادامدارعا قاراعاندا از.

زەرتتەۋ بارىسىندا COVID-19 ۆيرۋسى ءۇشىنشى جانە ءتورتىنشى قان توپتارىنىڭ يەلەرىندە ءجيى كەزدەسەتىنى بەلگىلى بولدى: ولاردىڭ 1,5 پايىزى ىندەتكە وڭ ناتيجە كورسەتكەن. ەكىنشى توپتاعى ادامدار اراسىندا بۇل كورسەتكىش - 1,4 پايىزدى، ال ءبىرىنشى توپتاعى ادامدار اراسىندا - 1,3 پايىز.

ءتورتىنشى قان توبىنداعى ادامداردا كوروناۆيرۋس جۇقتىرۋ دەرەگى 4,1 پايىز جاعدايدا، ءۇشىنشى قان توبىنداعىلاردا - 4 پايىز، ەكىنشى قان توبىنداعىلار اراسىندا - 3,9 پايىز، ءبىرىنشى قان توبىنداعىلار اراسىندا - 3,2 پايىز جاعداي تىركەلدى.

ايتا كەتەيىك، وسىعان دەيىن حالىقارالىق عالىمدار توبى ەكىنشى قان توبىنداعى ادامدار كوروناۆيرۋستى جۇقتىرۋعا بەيىم دەگەن تۇجىرىمعا كەلگەن ەدى. ساراپشىلار بۇل قۇبىلىستى ەرەكشە مۋتاتسيامەن بايلانىستىرعان بولاتىن.