س ق و-دا كوروناۆيرۋس جۇقتىرعان ەكى ناۋقاس تۇماۋراتىپ دارىگەرگە ءوزى جۇگىنگەن
شۇعىل شتابتىڭ مالىمەتىنشە، س ق و-دا كوروناۆيرۋس ينفەكسياسىن جۇقتىرعانداردىڭ بىرەۋى - 1988 -جىلى تۋعان ايەل، قالعاندارى - 1986، 1989، 1993 -جىلى تۋعان ەر ادامدار.
ونىڭ ۇشەۋى - پەتروپاۆل قالاسىنىڭ تۇرعىنى بولسا، ءتورتىنشىسى تايىنشا اۋدانىندا تۇرادى. پتر دياگنوستيكالىق زەرتتەۋ ناتيجەسى بويىنشا ولاردا COVID-19 دياگنوزى راستالدى.
زەرتحانالىق تالداۋلار ەپيدەميولوگيالىق كورسەتكىشتەر بويىنشا ەكى تۇرعىننان ىرىكتەلىپ الىندى، ياعني ولار بۇعان دەيىن ناۋقاستارمەن جاقىن بايلانىستا بولعان. ال ەكەۋى سۋىق ءتيۋ بەلگىلەرىمەن مەديتسينالىق مەكەمەگە جۇگىنگەن.
بارلىعى پەتروپاۆل قالالىق اۋرۋحاناسىنىڭ جۇقپالى اۋرۋلار بولىمىنە جاتقىزىلدى. قازىر ءتيىستى ەم- دوم الىپ جاتىر. اۋرۋ وشاقتارىندا دەزينفەكسيالىق جۇمىستار جۇرگىزىلۋدە. جالپى، 11-ماۋسىمداعى جاعداي بويىنشا س ق و-دا كوروناۆيرۋس ينفەكسياسىن جۇقتىرعانداردىڭ سانى 76 عا جەتتى. ونىڭ ىشىندە ەمدەلىپ شىققاندار سانى - 48.
