نۇر-سۇلتاندا ۇ ب ت ءۇش ۋنيۆەرسيتەتتىڭ بازاسىندا وتەدى

نۇر-سۇلتان. قازاقپارات - ەلوردادا ۇلتتىق ءبىرىڭعاي تەستىلەۋ بىلتىرعىداي كۇنارا ەمەس، كۇن سايىن وتكىزىلەدى، دەپ حابارلايدى قالا اكىمدىگىنىڭ رەسمي سايتى.

نۇر-سۇلتانداعى ۇلتتىق ءبىرىڭعاي تەستىلەۋ (ۇ ب ت) 20-ماۋسىم مەن 5-شىلدە ارالىعىندا ءۇش ۋنيۆەرسيتەتتە وتەدى: ل. گۋميلەۆ اتىنداعى ەۋرازيا ۇلتتىق ۋنيۆەرسيتەتى (2589 وقۋشى، 13 اۋديتوريا)، س. سەيفۋللين اتىنداعى قازاق اگروتەحنيكالىق ۋنيۆەرسيتەتى (1818 وقۋشى، 7 اۋديتوريا) جانە قازاق ەكونوميكا، قارجى جانە حالىقارالىق ساۋدا ۋنيۆەرسيتەتى (1884 وقۋشى، 13 اۋديتوريا).

«بۇگىندە ۇ ب ت قاتىسۋشىلارىنىڭ مالىمەتتەر بازاسى بار، سايكەستەندىرۋ كودتارىن بەرۋ ءراسىمى ءوتتى. ۇ ب ت وتكىزۋ ورىندارى بارلىق قاجەتتى قۇرال- جابدىقتارمەن قامتاماسىز ەتىلدى»، - دەپ حابارلادى نۇر-سۇلتان قالالىق ءبىلىم باسقارماسى. بيىل قاتىسۋشىلار سانى ەكى ەسە ارتتى. سوعان بايلانىستى بىلتىرعى وقۋ جىلىنداعىداي كۇنارا ەمەس، ءار كۇن سايىن وتكىزىلەدى.