كوكشەتاۋدا ۇيلەردىڭ قابىرعالارىنا تاريحي تۇلعالاردىڭ سۋرەتتەرى سالىنۋدا
قالا اكىمدىگىنىڭ مالىمەتىنشە، ءدال قازىر 6 كومپوزيتسيانىڭ نوبايى بەكىتىلىپ، ەكى كوپقاباتتى تۇرعىن ءۇيدىڭ قابىرعاسىنا ات ۇستىندەگى ابىلاي حان مەن قازاقتىڭ كورنەكىت عالىمى شوقان ءۋاليحانوۆتىڭ سۋرەتتەرىن سالىنۋدا.
تامىز ايىنىڭ سوڭىنا دەيىن 21 عيماراتتا وسىنداي ستريت ارت كومپوزيتسياسى پايدا بولادى. وندا ساق ستيلى سياقتى تاريحي سۋرەتتەردى سالۋ جوسپارلانعان.
«ستريت- ارت كوشەدەگى سۋرەت بولعانىمەن، بۇل ۇلكەن ونەر. الىپ، سۋرەتتەردى كورگەن ادام ونەردى باعالاپ قانا قويمايدى، تاريحىمىزعا دا كوز جۇگىرتەدى»، - دەيدى «ديزاين سيتي» جارنامالىق اگەنتتىگىنىڭ جەتەكشىسى ولجاس ءابۋوۆ.
ايتا كەتەيىك، بيىل كۇزدە كوكشەتاۋ قالاسىندا قازاقستان مەن رەسەيدىڭ ءوڭىرارالىق ىنتىماقتاستىعىنىڭ 17-فورۋمىن وتكىزۋ جوسپارلانعان. وسىعان وراي، قالادا دايىندىق جۇمىستارى قىزۋ جۇرگىزىلۋدە.
اۆتور: اسلان وسپانوۆ
