اكبار ءماجيت: قازاقستان پرەزيدەنتى كورشىلەس ەلدەرمەن ستراتەگيالىق سەرىكتەستىكتى دامىتۋعا باسا ءمان بەرەدى
«12 - ماۋسىمدا قاسىم- جومارت توقايەۆتىڭ پرەزيدەنت بولىپ سايلانعانىنا ءبىر جىل بولادى. مەملەكەت باسشىسى كورشىلەرمەن ستراتەگيالىق سەرىكتەستىكتى دامىتۋعا ايرىقشا ءمان بەرىپ وتىر. ق ر پرەزيدەنتى قاسىم- جومارت توقايەۆتىڭ 2019 -جىلدىڭ قىركۇيەك ايىنداعى قىتاي حالىق رەسپۋبليكاسنا مەملەكەتتىك ساپارى بارىسىندا تاراپتار بىرلەسكەن مالىمدەمە قابىلدادى. وندا ەكى مەملەكەت اراسىنداعى قارىم- قاتىناستى ماڭگىلىك جان- جاقتى ستراتەگيالىق سەرىكتەستىك دەڭگەيىنە شىعارۋ جايى كورىنىس تاپقان»، - دەدى ول.
وسى ورايدا قالامگەر 2020 -جىلى كوروناۆيرۋس ەپيدەمياسى بۇكىل الەمدى شارپىعاندىعىن اتاپ ءوتتى.
«ىندەت العاش رەت ۋحاندا تارالىپ، قىتاي ءۇشىن COVID-19-بەن كۇرەستەگى ەڭ قيىن كەزەڭدە قازاقستان 14,5 مىڭ توننا گۋمانيتارلىق كومەك جونەلتتى. ءوز كەزەگىندە قازاقستاندا كوروناۆيرۋس ينفەكسياسىنىڭ العاشقى جاعدايى تىركەلگەن ساتتە قىتاي تاراپى دا گۋمانيتارلى كومەك كورسەتكەن بولاتىن»، - دەدى اقبار ءماجيت.
سونىمەن قاتار ول بيىل قازاقستان قازاقتىڭ ۇلى اقىنى اباي قۇنانباي ۇلىنىڭ 175 جىلدىق مەرەيتويىن اتاپ وتەتىندىگىنە توقتالدى. «اباي جانە 21- عاسىرداعى قازاقستان» ماقالاسىن اۋدارىپ وتىرىپ، قازاقستان پرەزيدەنتى قاسىم- جومارت توقايەۆتىڭ اباي شىعارماشىلىعىن تەرەڭ تۇسىنەتىندىگىن ءبىلىپ، تاڭ- تاماشا بولدىم»، - دەدى قىتايدا تۇراتىن قانداسىمىز.
ايتا كەتەيىك، اكبار ءماجيت - قىتاي حالىق رەسپۋبليكاسى جازۋشىلار وداعىنىڭ مۇشەسى، قىتاي مەملەكەتتىك سىيلىعىنىڭ لاۋرەاتى، ق ح ر جازۋشىلار وداعىنىڭ «قىتاي جازۋشىلارى» جۋرنالىنىڭ باس رەداكتورى. ونىڭ 10-نان استام كىتابى جارىق كورگەن. سونىمەن قاتار ول اباي شىعارمالارىن قىتاي تىلىنە اۋدارعان.
اۆتور: مارلان جيەمباي
