17:45, 11 - ماۋسىم 2020 | GMT +6
اۋىر اتلەتيكا وليمپيادا باعدارلاماسىنان شىعىپ قالۋى مۇمكىن
نۇر-سۇلتان. قازاقپارات – حالىقارالىق وليمپيادا كوميتەتىنىڭ (ح و ك) پرەزيدەنتى توماس باح اۋىر اتلەتيكانىڭ وليمپيادا ويىندارى باعدارلاماسىنان الىنۋى مۇمكىن ەكەنىن ايتتى.
كوميتەت باسشىسىنىڭ سوزىنشە، ونى حالىقارالىق اۋىر اتلەتيكا فەدەراتسياسىنىڭ (IWF) بايانداماسى تاڭعالدىرعان، - دەپ حابارلايدى ريا نوۆوستي.
IWF اتقارۋشى كوميتەتى ساۋىردە فەدەراتسيانى 2000 -جىلدان بەرى باسقارعان تاماش اياننىڭ وتستاۆكاسىن ماقۇلداعان بولاتىن. ايانعا قاتىستى سىبايلاس جەمقورلىق جانە دوپينگكە قارسى ەرەجەلەردىڭ بۇزۋلى جاعدايلارىن جاسىردى دەگەن ايىپ تاعىلعان.
«اۋىر اتلەتيكا تۋرالى، تاماش ايان تۋرالى بايانداما مەنى قاتتى تاڭعالدىردى. ءبىز IWF-تى تازارتۋدىڭ جولدارىن تابۋىمىز كەرەك. ولارعا بۇل جاعدايدا كومەكتەسكىمىز كەلەدى. ءبىزدىڭ قاتاڭ شارالار قابىلداۋعا قۇقىعىمىز بار. جازا اۋىر اتلەتيكانى وليمپيادا باعدارلاماسىنان الىپ تاستاۋعا دەيىن بارادى»، - دەدى باح.
