ميتينگتە ب ا ق قۇقىعى شەكتەلىپ جاتسا، اكىمدىك ونى تىركەپ وتىرۋى كەرەك - تامارا كالەيەۆا
«ەڭ الدىمەن اقپارات جانە قوعامدىق دامۋ مينيسترلىگىنىڭ اشىقتىعىن اتاپ وتكىم كەلەدى. بۇگىنگە دەيىن مۇنداي شىنايى كونسترۋكتيۆتى تالقىلاۋ كوپ بولعان ەمەس. ءبىز بۇل ماسەلەنى ءوز ۇجىمىمىزدا عانا تالقىلايتىن ەدىك.
اتاپ ايتقاندا كەشە ءبىز ءوز باستامامىزبەن «ءادىل ءسوز»، Internews، قۇقىقتىق مەديا-ورتالىق، ينفورمبيۋرومەن بىرىگىپ، شاعىن تالقى وتكىزدىك. البەتتە بۇل ەرەجەلەردىڭ ەڭ ءبىر ارتىقشىلىعى - باسپا ءسوز ورتالىقتارىن قۇرۋ. ءاۋ باستا بۇل قادام جۋرناليستەردىڭ قۇقىعىن شەكتەۋى مۇمكىن دەگەن پىكىر ايتىلعان ەدى. الايدا ەرەجەلەر بويىنشا جۇرگىزىلگەن جۇمىس بۇل قاۋىپتى سەيىلتكەندەي بولدى»، - دەدى تامارا كالەيەۆا اقپارات جانە قوعامدىق دامۋ ءمينيسترى ايدا بالايەۆانىڭ قاتىسۋىمەن وتكەن ونلاين-كەزدەسۋدە. قوعام وكىلى تالقىلانۋى ءتيىس ماسەلەلەردى ورتاعا سالدى.
«بەيبىت جينالىسقا قاتىساتىن جۋرناليست» دەگەن اتاۋدىڭ ءوزىن اجىراتىپ الايىق. ول بەيبىت جينالىسقا قاتىسۋشى، كورەرمەن نەمەسە جۋرناليست رەتىندە قاتىسا ما؟ ءبىز ءوزىمىزدىڭ ۇسىنىسىمىزدى ورتاعا سالىپ، «بەيبىت جيىندا اقپاراتتى جيناۋ، دايارلاۋ جانە تاراتۋ بويىنشا كاسىبي قىزمەتىن اتقاراتىن جۋرناليستىك جۇمىس» دەپ ەنگىزدىك. بىزگە اتاۋدى وزگەرتپەك كەرەك. سەبەبى زاڭدا ءاۋ باستاعىداي جازىلعان دەدى. زاڭ بولسا بولسىن، دەگەنمەن قاعيداتتاعى اتاۋدى وسىلاي وزگەرتۋدى ۇسىنامىز»، - دەدى ول.
سونىمەن قاتار اكىمدىكتەرگە بەيبىت جيىنداردا ب ا ق قۇقىعى شەكتەلىپ جاتسا، اكىمدىك ونى تىركەپ وتىرۋى كەرەكتىگى ۇسىنىلعان.
«اقپارات جانە قوعامدىق دامۋ مينيسترلىگى بۇل ماسەلە قىلمىستىق كودەكس شەڭبەرىندە رەتتەلەتىنىن حاباردار ەتتى. ءبىراق ءبىز ءىس قوزعاۋ تۋرالى ەمەس، قۇقىقتىڭ شەكتەلۋىن تىركەۋ تۋرالى ايتىپ وتىرمىز. ياعني جۋرناليستى ءبىر جەرگە كىرگىزبەي جاتسا نەمەسە قولىنان كامەرانى تارتىپ السا، ونى تىركەۋگە بولا ما؟»، - دەپ ۇسىنىسىن ەنگىزدى تامارا كالەيەۆا.
بۇعان دەيىن حابارلاعانىمىزداي، اقپارات جانە قوعامدىق دامۋ مينيسترلىگىنىڭ Facebook پاراقشاسىندا جۋرناليستەردىڭ بەيبىت جيىنداردا قىزمەت ەتۋ قاعيدالارى تالقىلانعان بولاتىن. ونلاين-كەزدەسۋ بارىسىندا ب ا ق باسشىلارى بەيبىت جينالىستارعا قاتىساتىن جۋرناليستەردىڭ قۇقىعىن قورعاپ، جۇمىسىن جۇرگىزۋگە قاتىستى ءبىرقاتار ۇسىنىستى ورتاعا سالدى.
