مادەنيەت مينيسترلىگىندە دەپارتامەنت باسشىسى ءىرى سومادا قارجى جىمقىرۋ كۇدىگىنە ىلىكتى

نۇر-سۇلتان. قازاقپارات – ق ر مادەنيەت جانە سپورت مينيسترلىگى مادەنيەت پەن ونەر ىستەرى جونىندەگى دەپارتامەنت باسشىسى اسا ءىرى كولەمدە قارجى جىمقىرۋ كۇدىگىنە ىلىكتى، دەپ حابارلايدى قازاقپارات ءتىلشىسى.

اتاپ ايتقاندا، سىبايلاس جەمقورلىققا قارسى قىزمەت اتالعان فاكتى بويىنشا سوتقا دەيىنگى تەرگەۋ امالدارىن جۇرگىزۋدە. دەپارتامەنت باسشىسى كورسەتىلگەن قىزمەتتەر قۇنى اسىرا كورسەتىلگەن اكتىلەرگە قول قويۋ جانە قازاقستاندىق كونتەنتتەگى كينەماتوگرافيانى مەملەكەتتىك قارجىلاندىرۋ ءۇشىن قارجىنى نەگىزسىز اۋدارۋ ارقىلى بيۋدجەت قاراجاتىن ءىرى سومادا ىسىراپ ەتتى دەگەن كۇدىككە ىلىكتى.

«تەرگەۋ امالدارى جالعاسۋدا. كۇدىكتىگە قاتىستى سوڭعى شەشىمدى سوت شىعارادى» دەلىنگەن تاراتىلعان مالىمەتتە.