ايدا بالايەۆا: جۋرناليستەردىڭ ميتينگتە جۇمىس ىستەۋ قاعيدالارى قاعاز جۇزىندە قالماۋى كەرەك
بۇعان دەيىن حابارلاعانىمىزداي، اقپارات جانە قوعامدىق دامۋ مينيسترلىگىنىڭ Facebook-تەگى پاراقشاسىندا جۋرناليستەردىڭ بەيبىت جينالىستاردا قىزمەت ەتۋ قاعيدالارى تالقىلانعان بولاتىن. ونلاين-كەزدەسۋ بارىسىندا ب ا ق باسشىلارى بەيبىت جيىنعا قاتىساتىن جۋرناليستەردىڭ قۇقىعىن قورعاپ، جۇمىسىن جۇرگىزۋگە قاتىستى ءبىرقاتار ۇسىنىستى ورتاعا سالدى.
«بۇگىن شىنىمەن دە اشىق اڭگىمە بولعان سياقتى. بۇل - تالقىلاۋدىڭ باسى عانا. سەبەبى قاعيدالار ءالى بەكىتىلگەن جوق. ەڭ باستىسى - سىزدەردىڭ تالقىلاۋدان كەيىن ۇسىنىستارىڭىزدى ەسكەرە وتىرىپ، جوبانى تاعى دا ءبىر قارايمىز. سودان كەيىن نورماتيۆتى-قۇقىقتىق اكتىلەردىڭ اشىق پورتالىنا رەسمي تۇردە ورنالاستىرامىز. ءوز ۇسىنىستارىڭىزدى ەنگىزۋگە بولادى»، - دەدى ايدا بالايەۆا ب ا ق باسشىلارىمەن ونلاين-كەزدەسۋ بارىسىندا. مينيستر جۋرناليستەرگە ارنالعان قاعيدالاردى جەرگىلىكتى اتقارۋشى ورگاندار مەن قۇقىق قورعاۋ ورگاندارىنا ءتۇسىندىرۋ جۇمىستارى مەن ارنايى سەمينارلار جۇرگىزىلەتىنىن ءمالىم ەتتى.
«ەگەر ءبىر تاراپتان تۇسىنىسپەۋشىلىك بولعان جاعدايدا ءبىز ايتىپ وتىرعان قاعيداتتاردىڭ ءبارى دە جۇزەگە اسىرىلماي قالادى-اۋ دەگەن قاۋىپ بار. ءبىز وتە جاقسى ەرەجەلەردى جاساعانىمىزبەن ول ساپالى تۇردە ىسكە اسىپ جاتپاسا، البەتتە، بۇل قاعيداتتاردىڭ ءبارى دە قاعاز جۇزىندە عانا قالادى»، - دەدى ول.
اۆتور: ايان بەكەن ۇلى
