ەڭ باقىتتى ادام ءومىر سۇرەتىن ەل قانداي؟
ال تۋى - الەمدەگى ەڭ ەجەلگى بايراقتاردىڭ ءبىرى. تاعى باسقا قىزىق دەرەكتەر بىلگىڭىز كەلە مە؟ دانيا ەۋروپالىق وداقتىڭ قۇرامىنا كىرمەيدى جانە ءوز ۆاليۋتاسىن قولدانادى. دات كرونى - ەڭ كونە قاعاز ۆاليۋتالاردىڭ ءبىرى.
ەڭ كەڭ تارالعان كولىك - ۆەلوسيپەد.
ۆەلوسيپەد سانى كولىكتەن ەكى ەسە كوپ. كەز كەلگەن جەرگە جاۋىن- شاشىنعا قاراماي-اق شايتاناربامەن بارادى. اۋا رايى دەمەكشى، مۇندا ءار ەكى تاۋلىك سايىن جاۋىن جاۋادى. دەمەك، جىلىنا 176 كۇن جاڭبىر استىندا جۇرەدى. دانيانىڭ قاي جەرىنە بارساڭىز دا تەڭىز تولقىنىن تاماشالاي الاسىز. سول سەبەپ بولۋى كەرەك، ءار ەكىنشى دات سۋعا جۇزە الادى.
سونىمەن قاتار، سۋدا ءجۇزۋ مادەنيەتى مەكتەپ قابىرعاسىنان باستاپ ۇيرەتىلەدى. مەملەكەتتىك مەكتەپتەردە بۇل ءجۇزۋ ساباعى مىندەتتى پاندەر قاتارىنا ەنگەن.
داتتار Skype جانە Lego قۇراستىرعىشتارىن ويلاپ تاپقان. «leg godt» تىركەسى تۋرا ماعىناسىندا «جاقسى وينا» دەپ اۋدارىلادى. قىزىعى سول، 1949 -جىلى بۇل كومپانيا العاش رەت اعاش ويىنشىقتار جاساپ شىعارعان. 60-جىلدارى جاسالعان قۇراستىرعىش ەلەمەنتى قازىرگى لەگو- بولشەكتەرمەن جالعانا بەرەدى. دانيا ەلى ايەلدەردىڭ ءومىر سۇرۋىنە قولايلى مەملەكەت اتانعان. دانيادا ەركەكتەر مەن ايەلدەردىڭ قۇقىعى بارلىق سالادا تەڭ قورعالعان: دەنساۋلىق ساقتاۋ، ءبىلىم الۋ، ەكونوميكا، ساياسات.
دانيادا تۇرمەدەن قاشۋ قىلمىس سانالمايدى، ۇستالعان قاشقىنعا ارتىق جازا دا قولدانىلمايدى، ول بار بولعانى بەرىلگەن مەرزىمدى وتەپ شىعادى.
ال پەدوفيلدەردى بۇل ەلدە قىلمىسكەر ەمەس، پسيحيكالىق اۋرۋ دەپ ەسەپتەيدى. دەمەك، ولاردى جازالامايدى، ولارعا مەديتسينالىق جانە پسيحولوگيالىق، پسيحيكالىق ەم-دوم جۇرگىزەدى.
بۇل كوپەنگاگەندەگى Tivoli (تيۆولي) ساياباعى، الەمدەگى ەڭ ەسكى ساياباق. بىردە ونەردى جوعارى باعالاۋشى تانىمال تۇلعا تيۆولي ساياباعىن ارالاپ كەلە جاتىپ، امەريكادا دا وسىعان ۇقساس باقتى اشۋدى ءجون كورەدى.
بۇل ساياباق بۇگىن ديسنەيلەند دەپ اتالادى جانە فرانسيادا دا اشىلعان. 13 نوبەل سىيلىعىنىڭ يەگەرى - وسى دانيادان. 5 ميلليون حالقى بار دانيا ءۇشىن بۇل ۇلكەن كورسەتكىش.
دانيادان كەڭىنەن تارالعان ەسىمدەردىڭ ءبىرى - گانس. گانس دەمەكشى گانس حريستيان اندەرسەن جازۋ كەزىندە ءجيى قاتە جىبەرگەن ەكەن. شىعارماسىن باسپاعا اپارماس بۇرىن وزگەلەرگە كوشىرتەتىن بولىپتى. وعان قوسا، گانس وزىمەن بىرگە «بولمايتىن دۇنيەلەردى» تاسىپ جۇرگەن.
اسىرەسە، ارقان ءجىپتى جانىنان تاستاماعان. ول جۇرگەن عيماراتتا ءورت شىعا قالسا، سول ارقان جىپپەن ء«وزىمدى قۇتقارام» دەپ سەنسە كەرەك. دانيادا نان ءپىسىرۋ ءادىسى جاقسى دامىعان. ءسىز ءاربىر بۇرىشتان ءتاتتى توقاشتار ساتاتىن دۇكەندەردى كەزدەستىرە الاسىز.
كەز كەلگەن داتتىققا جولاي قالساڭىز، ءوزىنىڭ سۇيىكتى توقاشتارىن، بالىشتەرىن ايتىپ، قاي جەردەن تابۋعا بولاتىنىن كورسەتىپ بەرەدى. تاتتىگە دەگەن قۇمارلىق باسىم بولعانىمەن، ارتىق سالماقتان زارداپ شەگەتىن داتتىقتى كورمەيسىز. بۇل سالاۋاتتى ءومىر سالتىن جاقسى ۇستانۋدان بولۋ كەرەك. دانيالىقتاردىڭ باسىم بولىگى تاڭعى 08.00 دەن تۇسكى 16.00 گە دەيىن جۇمىس ىستەيدى. دۇكەننىڭ كوپشىلىگى ساعات 17.00-18.00 دە جابىلادى. ادامدار دا وسى تارتىپكە ۇيرەنگەن. دۇكەن قانشا ۇزاق جۇمىس ىستەگەن سايىن، سونشالىقتى كوپ سالىق تولەيدى.
Massaget.kz
