ەلوردادا اربات، جاعاجاي جانە ساياباقتار دەزينفەكسيالانادى

نۇر-سۇلتان. قازاقپارات - نۇر-سۇلتاندا دەزينفەكسيا شارالارى جالعاسۋدا. بيىل 11-مامىردان باستاپ قالا تۇرعىندارىنا قاتاڭ سانيتارلىق ەرەجەلەردى ساقتاي وتىرىپ، ساياباقتارعا، الاڭدارعا بارۋعا رۇقسات ەتىلگەن.

دەمەك، جوعارىدا اتالعان ورىندار اۋماعىندا كۇشەيتىلگەن دەزينفەكسيا جۇرگىزىلەدى.

«ادامدار كوپ جينالاتىن جەرلەردە: ارباتتا، جاعاجايدا، ساياباقتاردا دەزينفەكسيا جۇرگىزەمىز. ورىندىقتاردى، باعانالاردى جانە ت. ب. كوپشىلىك ۇستايتىن جەرلەردى دەزينفەكسيالىق وڭدەۋدەن وتكىزەمىز. قاۋىپ ءالى دە بار. مۇنى ەستە ساقتاۋ ماڭىزدى»، - دەدى «استانالىق دەزينفەكسيا» ج ش س قىزمەتكەرى يسلام ءداۋىتوۆ.

ەلوردادا بۇرىنعىسىنشا ماسكا تاعۋ رەجيمى قاتاڭ ساقتالۋدا. تۇرعىندار الەۋمەتتىك قاشىقتىقتى ساقتاپ، قولدارىن انتيسەپتيكپەن وڭدەپ، تۇرعىندار توپتانىپ جينالماۋى قاجەت. ەلوردانى وڭدەۋ بىرنەشە كەزەڭ بويىنشا جۇرگىزىلەدى. بارلىعى 20 ميلليون شارشى مەتردەن استام اۋماق دەزينفەكسيالاندى. دەزينفەكسيالاۋ جاياۋ جانە ارنايى ماشينالاردىڭ كومەگىمەن جۇرگىزىلەدى. سونداي-اق، الەۋمەتتىك نىسانداردىڭ، بازارلاردىڭ، س و و اۋماقتارى، سونىمەن قاتار اۋلالار، بالالار الاڭدارى، ۇيلەردىڭ كىرەبەرىستەرى جانە ادامدار كوپ جينالاتىن باسقا دا ورىندار مۇقيات وڭدەلەدى.