الاكولدەگى دەمالۋشىلار اراسىندا كوروناۆيرۋس انىقتالماسا شەكتەۋلەر الىنادى
بۇگىندە شىعىس قازاقستاندا كوروناۆيرۋس جۇقتىرعاندار سانى 204 كە جەتتى. ونىڭ ىشىندە 23 ى سىرتتان كەلگەن. ۆيرۋسكە شالدىققاندار ءۇرجار اۋدانىندا دا تىركەلدى. وسى اۋداندا 14 ادام كوروناۆيرۋس ينفەكسياسىن جۇقتىرعان.
«الاكولگە جەتۋ ءۇشىن اۋدانداعى 11 اۋىلدى باسىپ ءوتۋ كەرەك. ماسەلەن، ءۇرجار اۋدانىندا 72 مىڭ حالىق تۇرادى. جاعالاۋداعى سەرۋەندەۋ جانە سۋعا ءتۇسۋ ايماعىنىڭ جالپى قولدانىستاعى اۋماعى 2 شاقىرىمدى قۇرايدى. وندا 12 مىڭ ادام جۇرە الادى. ال بۇل دەمالۋشىلاردىڭ جاپپاي اۋرۋىنا اكەلىپ سوعۋى مۇمكىن.
وتكەن جىلى الاكولگە 700 مىڭنان استام ادام كەلدى. بيىلعى ماۋسىم ايىندا الاكولدىڭ شىعىس جاعالاۋىنداعى قوناقۇيلەرگە كەلۋشىلەردىڭ جالپى سانى تاۋلىگىنە 12 مىڭنان اسىپ كەتكەن. سوندىقتان اۋرۋ جۇقتىرۋدى ازايتۋ ماقساتىندا دەمالۋشىلاردان COVID-19 تەستىنەن وتكەنى جانە جۇقتىرماعانى جونىندە انىقتاما تالاپ ەتىلەدى. انىقتامانىڭ ۋاقىتى جارامسىز بولماۋى كەرەك»، - دەپ حابارلادى ش ق و اكىمىنىڭ باسپا ءسوز قىزمەتىنەن.
ايتا كەتەيىك، الاكولگە كىرەبەرىستە جىلجىمالى مەديتسينالىق پۋنكت جۇمىس ىستەيدى. وندا تەستىلەۋدەن ءوتىپ، انىقتامانى الۋعا بولادى. ەگەر ناۋقاستار انىقتالسا، ءۇرجار اۋداندىق اۋرۋحاناسىنا جەتكىزىلەدى. قابانباي اۋىلىندا 12 ورىندىق ينفەكسيالىق ستاتسيونار مەن ارنايى اپپاراتتار بار. كول جاعالاۋىنداعى تۋريزم نىساندارىنىڭ دايىندىعىن تەكسەرۋ ماقساتىندا 3 مونيتورينگىلىك توپ قۇرىلعان. 5-9-ماۋسىم ارالىعىندا 175 دەمالىس ورنى تەكسەرىلدى.
قازىرگى كۇنى 72 دەمالىس ورنى سانيتارلىق- ەپيدەميولوگيالىق قاۋىپسىزدىك شارالارىن ورىنداۋعا ءىشىنارا كىرىسىپ كەتتى. قالعان 10 ى ءالى دايىندىقتى باستاعان جوق. بارلىق دەمالىس ورىندارى مەن وزگە دە نىسانداردىڭ كەلۋشىلەردى قابىلداپ الۋعا دايىندىعىن راستايتىن اكتىنى مونيتورينگىلىك توپتان الماي، جۇمىسقا كىرىسۋگە قۇقىعى جوق. بۇگىندە بىردە- ءبىر كاسىپكەرگە مۇنداي اكتى بەرىلمەگەن.
كەزدەسۋ بارىسىندا دانيال احمەتوۆ كاسىپكەرلەرگە ەشقانداي ءوزارا كەلىسىمنىڭ بولمايتىنىن اتاپ ايتتى.
«سىزدەر بارلىق تالاپتى ساقتاپ، ءتيىستى اكتىنى الىپ، ارى قاراي نورمالاردى ورىنداپ، جۇمىس ىستەي الاسىزدار. ايتپەسە، دەمالىس ورىندارى جابىلادى. قازىرگى باستى مىندەت - قازاقستاندىقتاردىڭ ءومىرى مەن دەنساۋلىعىن ساقتاپ قالۋ. پايدا تابۋدى ەمەس، دەمالۋشىلاردىڭ قاۋىپسىزدىگىن ويلاڭىزدار»، - دەدى ايماق باسشىسى.
جازعى ماۋسىم بارىسىندا مونيتورينگىلىك توپ جۇمىسىن جالعاستىرادى. توپ مۇشەلەرى دەمالىس ورىندارىن، قوعامدىق تاماقتانۋ جانە وزگە دە نىسانداردى جۇيەلى تۇردە تەكسەرۋدى كوزدەپ وتىر. كوپتەگەن كاسىپكەرلەردىڭ ءوتىنىشى بويىنشا ش ق و اكىمى بيزنەس نىساندارىن تولتىرۋ ءۇشىن جاڭا ۇسىنىس ايتتى. 13-23-ماۋسىم ارالىعىندا جاعالاۋداعى دەمالۋشىلار اراسىندا كورناۆيرۋس ينفەكسياسى انىقتالماسا، دەمالىس ورىندارىنىڭ يەلەرىنە قوناق ءۇي نومىرلەرىن 75 پايىزعا دەيىن تولتىرۋعا مۇمكىندىك بەرىلەدى. ەگەر جاعالاۋداعى جاعداي تۇراقتى بولسا، بارلىق نىسان 1-شىلدەدەن باستاپ تولىق جۇمىسقا كىرىسەدى.
ەستەرىڭىزگە سالا كەتسەك، الاكولدە دەمالۋشىلاردان كوروناۆيرۋس جۇقتىرماعاندىعى تۋرالى انىقتاما تالاپ ەتىلەدى. بيىل الاكول ايماعى 13-ماۋسىمنان باستاپ دەمالۋشىلاردى قابىلدايدى. الايدا ازىرگە الاكولدەگى دەمالىس ورىندارىنىڭ كوبىسى تۋريستەردى قابىلداۋعا دايىن ەمەس.
