ت ج د ءۇيدىڭ تەرەزەسىنە بالالارعا ارنالعان قورشاۋ ورناتۋعا مىندەتتەيدى
جالپى ەلىمىزدە بۇل ماسەلە ماۋسىمدىق سيپاتقا يە. بيىل جىل باسىنان بەرى ەلىمىزدە 35 بالا تەرەزەدەن قۇلادى. ال سوڭعى ەكى جىلدا تەك ەلوردادا وسىنداي 51 وقيعا تىركەلگەن. 13 بالا قايتىس بولسا، 38- ءى ءتۇرلى جاراقاتپەن اۋرۋحاناعا جاتقىزىلعان.
دارىگەرلەردىڭ ايتۋىنشا، وقىس وقيعالاردىڭ بۇل ءتۇرى قازىر جول اپاتىنان كەيىن ەكىنشى ورىندا تۇر. اقبوتا ەسىمدى كەيىپكەرىمىز ەكى بالانىڭ اناسى. ۇلكەنى 4-تە، كەنجەسى ءالى 1 جاسقا دا تولماعان. ياعني ونىڭ الاڭدايتىن ءجونى بار.
اقبوتا بيسەنعالييەۆا- شاريپوۆا، قالا تۇرعىنى:
- بالام دۇنيەگە كەلگەننەن باستاپ تەرەزەدەن قورقا باستادىم. وتە قاتتى تەز قيمىلدايدى. عالامتوردادا نەشە ءتۇرلى وقيعا بولىپ جاتىر. قازىرگى تاڭدا كارانتيندە بالالارىمىزدا وزىمىزدە ۇيدە وتىرعاندىقتان جاڭاعى وسى توردى قويۋ ءاربىر اتا- انانىڭ مىندەتى دەپ ويلايمىن.
نۇرلان تاسىعوجين، تور ورناتۋشى:
- جالپى ساپاسى جايلى ايتىپ وتسەڭىز؟
- ءبىز ەكى ءتۇرلى تور قويامىز. ءبىرىنشىسى پوليكاربونات جانە باعاسى قولجەتىمدى اليۋمينيدان جاسايمىز. قانشا سالماققا دەيىن كوتەرەدى؟ 60-80 ك گ دەيىن كوتەرەدى. مەن ەندى تەكسەرىپ كورەيىن. قاۋىپسىز ەكەنىن بايقاۋعا بولادى.
- ال بۇنىڭ باعاسى قانشا؟ ازاماتتاردىڭ قالتاسى كوتەرەدى مە؟
- پوليكاربوناتتىق تور 20 مىڭنان باستالادى. ءبىراق قولجەتىمدى ماتەريال بار، اليۋمينييدان جاسالاتىن 9-10 مىڭ تەڭگە شىعادى. كارانتين كەزىندە تاپسىرىس كوبەيدى مە؟ كارانتين كەزىندە تاپسىرىس كوبەيدى.
ايتا كەتەيىك، جۋىردا ازاماتتاردى ءۇي تەرەزەسىنە قورعانىس قۇرىلعىلارىن ورناتۋدى مىندەتتەۋ ۇسىنىلدى. ياعني ىشكى ىستەر مينيسترلىگىنىڭ توتەنشە جاعدايلار كوميتەتى تەرەزەنى جابدىقتاۋ تالاپتارىنا وزگەرىس ەنگىزبەك. كوپ قاباتتى ۇيلەردە قاۋىپسىزدىك جابدىقتارىن اتا- انالاردىڭ وزدەرى ورناتادى. مەكتەپكە دەيىنگى ۇيىمدار مەن مەكتەپتەردە قۇلىپتاردى مەملەكەتتىڭ قاراجاتىنا ورناتۋ جوسپارلانىپ وتىر.
www.24.kz
