21:04, 10 - ماۋسىم 2020 | GMT +5
ءجۇز جىلدان استام ۋاقىت ىشىندە العاش رەت ءمۇيىزدى ايداھار تابىلدى
نۇر-سۇلتان. قازاقپارات - عالىمدار 130 جىلدان استام ۋاقىت ىشىندە العاش رەت ءمۇيىزدى ايداھاردى تاپتى. بۇل تۋرالى Taprobanica: The Journal of Asian Biodiversity عىلىمي زەرتتەۋىندە حابارلاندى.
130 جىل بۇرىن يتاليالىق زەرتتەۋشى ەليو موديلياني يندونەزيا ورماندارىنان ايداھار تەكتەس كەسىرتكەنى تاپتى. ءبىراق سودان بەرى ونداي تىرشىلىك يەسىن ەشكىم كورمەگەن.
2018 -جىلى يندونەزيالىق عالىم چايرۋناس پۋترا سۋماتراداعى جانارتاۋ كالدەرىندەگى كولدى زەرتتەدى. ول جەردەن ءمۇيىزدى ايداھارعا ۇقساس ءولى كەسىرتكەنى انىقتاعان. ال 2020 -جىلى عالىمدار تۋرا سول جەردە موديلياني كەسىرتكەسىن ىزدەۋدى ۇيىمداستىرىپ، ونى تاۋىپ الدى. ساراپشىلار تىرشىلىك يەسىنىڭ ورمانداردى كەسۋدىڭ سالدارىنان جويىلىپ كەتۋى مۇمكىن ەكەنىن ايتۋدا.
www.24.kz
