20:23, 10 - ماۋسىم 2020 | GMT +6
دارىگەرلەر تۇندە قانداي تاعامداردى تۇتىنباعان ءجون ەكەنىن ايتتى
نۇر-سۇلتان. قازاقپارات - تۇندە ۇيقىنىڭ دۇرىس بولۋى ءۇشىن كەيبىر تاعامداردان باس تارتقان ءجون.
دارىگەرلەردىڭ ايتۋىنشا، تۇندە قۇرامىندا قانت بار تاعامداردى جەۋدەن باس تارتۋ كەرەك. سەبەبى ولار اعزاداعى پروتسەستى جانداندىرادى.
ۇيىقتار الدىندا ەت ونىمدەرىن تۇتىنباعان ءجون، ويتكەنى اقۋىزدىڭ ءبارى اس قورىتۋ جۇيەسىنە 5-6 ساعاتتىق بەلسەندى جۇمىس جۇكتەيدى. سونداي- اق تۇندە ىرىمشىكتىڭ قاتتى تۇرلەرى دە اعزاعا زيان. ولار قۇرامىندا مايدىڭ كوپ بولۋىنا بايلانىستى زيانىن تيگىزەدى، سەبەبى باۋىرعا كوپ جۇكتەمە تۇسىرەدى. ال ىرىمشىكتىڭ قۇرامىنداعى تيرامين قان قىسىمىن كوتەرەدى، جۇيكە جۇيەسىن قوزدىرادى.
