قازاقستان مەن قىتاي ينۆەستيتسيالىق جوبالاردى تالقىلادى
بۇگىن ق ر سىرتقى ىستەر ءمينيسترىنىڭ ورىنباسارى الماس ايداروۆ پەن ق ح ر رەفورمالار جانە دامۋ جونىندەگى مەملەكەتتىك كوميتەتى ءتوراعاسىنىڭ ورىنباسارى نين جيچجەنىڭ توراعالىعىمەن يندۋستريالاندىرۋ جانە ينۆەستيتسيالار سالاسىنداعى ىنتىماقتاستىق جونىندەگى قازاقستان- قىتاي كوميسسياسىنىڭ 18- وتىرىسى ءوتتى. ونلاين- وتىرىستا ينۆەستيتسيالىق جوبالاردى ىسكە اسىرۋ بارىسى تالقىلاندى. ولاردىڭ تابىستى جۇزەگە اسۋىنا كومەك كورسەتۋ جانە تۋىنداعان ماسەلەلەردى شەشۋ جونىندە پىكىر الماسىلدى.
«جۇك تاسىمالى مەن شەكارادان وتۋگە بايلانىستى ماسەلەلەردى جەدەل شەشۋ، سونداي- اق جوبالاردى اياقتاۋ ءۇشىن قاجەتتى جابدىقتاردى ۋاقتىلى جەتكىزۋ بويىنشا ناقتى شارالار كەلىسىلدى. تاراپتار ءتۇرلى سالالاردا جالپى سوماسى 576 ميلليون ا ق ش دوللارى بولاتىن 7 بىرلەسكەن ينۆەستيتسيالىق جوبانى اياقتاۋ جونىندەگى جوسپارلاردى راستادى.
وسى جوبالار ىسكە قوسىلعاننان كەيىن 647 جۇمىس ورنىن قۇرۋ كوزدەلگەن. قاتىسۋشىلار COVID-19 جاھاندىق پاندەمياسىمەن كۇرەس اياسىندا گۋمانيتارلىق كومەك كورسەتكەنى ءۇشىن ءوزارا العىستارىن ءبىلدىردى. ەكى ەل اۋماعىندا ەپيدەميا دەڭگەيىن تومەندەتۋگە مۇمكىندىك بەرەتىن ىنتىماقتاستىقتىڭ تيىمدىلىگى اتاپ ءوتىلدى»، - دەلىنگەن اقپاراتتا.
