باقىتجان ساعىنتايەۆ: الماتىنى دامىتۋ ءۇشىن ساۋدانى كولەڭكە نارىقتان شىعارۋ كەرەك
«ول ءۇشىن نە ىستەۋ كەرەك؟ سۋپەرماركەت، ونلاين ساۋدا مەن ءۇيدىڭ قاسىنداعى دۇكەندەرگە قولايلى جاعداي جاساپ، قولداۋ كورسەتىلۋى ءتيىس»، - دەپ جازدى قالا اكىمى Instagram-داعى پاراقشاسىندا.
ساعىنتايەۆ جەرگىلىكتى فرانچايزينگتى تارتا وتىرىپ، «ءۇيدىڭ قاسىنداعى دۇكەن» سەكىلدى تيپتىك جوبالاردىڭ ىسكە اسۋىنا قاجەتتى قولداۋ كورسەتىلەتىنىن اتاپ ءوتتى. مىسالى ۇلگى رەتىندە الەمدىك 7-Eleven مودەلى بويىنشا قۇرىلعان Froot جەلىسىن ايتۋعا بولادى.
«ايتا كەتەرلىگى، جاڭا ۇلگىدەگى Froot دۇكەندەر جەلىسىندەگى ازىق- تۇلىكتەردىڭ باعاسى ءۇيدىڭ قاسىنداعى باسقا دۇكەندەردەن % 10-15- عا تومەن. مۇندا بارلىق ءىس- قيمىلدى، تاۋار اسسورتيمەنتىنەن باستاپ ونىڭ سانىنا دەيىنگى ۇردىستەردى، كاسسا مەن بۋحگالتەريانى زياتكەرلىك جۇيە باسقارادى. مۇنداي دۇكەندەردىڭ جۇمىسى بارىنشا اشىق ءارى بيۋدجەتكە سالىق پەن ءتۇرلى تولەمدەر ۋاقىتىلى تۇسەدى، قىزمەتكەرلەر اي سايىن تۇراقتى جالاقى الادى»، - دەپ اتاپ ءوتتى ول.
اۆتور: الما مۇقانوۆا
