ب ق و تۇرعىنى ەسىكتى قۇلىپتاۋدى ۇمىتقانى ءۇشىن اعاسىن ءولتىردى

ورال. قازاقپارات - باتىس قازاقستان وبلىسىندا ەسىكتى قۇلىپتاۋعا ۇمىتىپ كەتكەنى ءۇشىن اعاسىن ولتىرگەن ايىپتالۋشىعا سوت ۇكىمى شىقتى، دەپ حابارلايدى قازاقپارات ءتىلشىسى.

ءىس وبلىستىق قىلمىستىق ىستەر جونىندەگى مامانداندىرىلعان اۋدانارالىق سوتىندا «TrueConf» موبيلدىك بەينەباينالىس جۇيەسى ارقىلى قارالدى. سوت تالقىسىندا بەلگىلى بولعانىنداي، بيىلعى 6 - اقپان كۇنى ساعات 14.00 شاماسىندا ۆ. پانكراتوۆ ن. نازاربايەۆ داڭعىلى 244/1-ۇيدەگى ءوزىنىڭ 141-پاتەرىندە اعاسى يۋ. نەدوبيتكو جانە كورشىسى ا. سارمينمەن اراق ىشكەن. سپيرتتىك ىشىمدىكتەر بىتكەن سوڭ، ساعات 16.30 شاماسىندا يۋ. نەدوبيتكو مەن ا. سارمين شىعىپ كەتىپ، ۆ. پانكراتوۆ ۇيىندە قالادى.

كەيىن 17.00 شاماسىندا اعاسى قايتا كىرىپ، كىرەبەرىس ەسىكتىڭ ىلمەشەگىن جاپپاعان. وسىدان اعايىندىلار اراسىندا ۇرىس- كەرىس تۋىنداپ، سوڭى توبەلەسكە ۇلاسقان. اقىرى اس بولمەسىنەن پىشاق العان ۆ. پانكراتوۆ يۋ. نەدوبيتكونىڭ كەۋدەسىنە كەمىندە ءۇش مارتە سوققى جاساعان. مارقۇم سول جەردە جان تاپسىرعان. سۋديا شارا زاينۋللينا ءمالىم ەتكەندەي، ۆ. پانكراتوۆ ق ر ق ك- ءنىڭ 99-بابى 1-بولىگىنە (ادام ءولتىرۋ) سايكەس ايىپتى دەپ تانىلدى.

سوتتالۋشى كىناسىن تولىعىمەن مويىندادى. ول 10 جىلعا باس بوستاندىعىنان ايىرۋ جازاسىن قاۋىپسىزدىگى بارىنشا جوعارى قىلمىستىق- اتقارۋ جۇيەسى مەكەمەسىندە وتەۋگە سوتتالدى. ۇكىم زاڭدى كۇشىنە ەنگەن جوق.

ەسكە سالا كەتەيىك، بۇدان بۇرىن ورالدا اكەسىن ولتىرگەن تۇرعىن 10 جىلعا سوتتالعانىن جازعان بولاتىنبىز.

اۆتور: ەلجان ەرالى