ديماش قۇدايبەرگەن مەن ارۋجان ساين ب ۇ ۇ وكىلىمەن كەزدەستى
قازاقپارات بۇل تۋرالى dimashnews.com سايتىنا سىلتەمە جاساپ حابارلايدى.
اڭگىمەلەسۋ بارىسىندا بىرلەسكەن جۇمىستى ودان ءارى جالعاستىرۋ ماسەلەلەرى تالقىلاندى. «ديماش قۇدايبەرگەن ب ۇ ۇ قىزمەتىن بەلسەندى قولداۋشى جانە #ООН75 جاھاندىق ديالوگىنا اتسالىسۋعا دايىن. بيىل بىرىككەن ۇلتتار ۇيىمى 75 جىلدىق مەرەيتويىن اتاپ وتەدى. الايدا، ول كوروناۆيرۋس پاندەمياسىنا بايلانىستى وقشاۋلانۋ كەزەڭىنە تۇسپا- تۇس كەلىپ تۇر»، - دەلىنگەن سايتتا.
#ООН75 كامپانياسى بيىل قاڭتار ايىندا باستالعان. ماقساتى - الەمدى جاقسارتا ءتۇسۋ، ادامزاتتىڭ ءبىرتۇتاس وتباسىنىڭ باسىمدىقتارىن تالقىلاۋ، سونىمەن بىرگە بىرلەسكەن جارقىن بولاشاقتى قالىپتاستىرۋدا ۇزدىك شەشىمدەردى ديسكۋسسيا جولىمەن انىقتاۋ.
«ب ۇ ۇ- نىڭ 75 جىلدىق مەرەيتويىن ۇيىمداستىرۋ جونىندەگى ارنايى توپ جاقسى الەمدى قۇرۋ تاريحىندا ەڭ ءىرى جانە اۋقىمدى سانالاتىن جالپىحالىقتىق پىكىرتالاس وتكىزۋگە باستاما جاسادى. ب ۇ ۇ ادامداردىڭ ونلاين قارىم- قاتىناستا بولۋىنا ءاردايىم كوپ كوڭىل ءبولىپ كەلەدى. قازىرگى تاڭدا دا، COVID-19 كەزەڭىندە وسى باعىتتا كۇش سالىپ، ەڭبەك ەتىپ كەلەدى»، - دەلىنگەن اقپاراتتا.
