قانداي وڭىرلەردە كەن ورىندارىن اشۋعا بولادى - مينيستر جاۋابى

نۇر- سۇلتان. قازاقپارات - ەكولوگيا، گەولوگيا جانە تابيعي رەسۋرستار ءمينيسترى ماعزۇم مىرزاعاليەۆ قازاقستاننىڭ قاي وڭىرىندە قانداي كەن ورىندارىن اشۋعا بولاتىنىن ايتىپ بەردى، دەپ حابارلايدى قازاقپارات ءتىلشىسى.

«قازاقستاندا جاڭا كەن ورىندارىن اشۋعا بولاتىنداي مول مۇمكىندىك بار. ماسەلەن، اقمولا مەن قوستاناي وبلىسىندا، سونىمەن بىرگە ەلدىڭ ورتالىق، شىعىس جانە وڭتۇستىك وڭىرلەرىندە التىن وندىرەتىن ورىنداردى اشۋعا بولاتىنداي الەۋەت انىقتالدى. سونىمەن قاتار ورتالىق، وڭتۇستىك قازاقستان مەن كەندى التايدا، رەسەي مەن قىتاي شەكاراسىندا قورعاسىن، مىرىش كەن ورىندارىن اشۋعا مول مۇمكىندىك بار»، - دەدى ماعزۇم مىرزاعاليەۆ بۇگىن ورتالىق كوممۋنيكاتسيالار قىزمەتىندە وتكەن حالىققا ونلاين ەسەپ بەرۋ بارىسىندا.

مينيستر سونىمەن قاتار ەل اۋماعىندا ۆولفرام، موليبدەن، اليۋميني، قالايى ءوندىرىسى بويىنشا كەن ورىندارىن اشۋعا بولاتىنىن ءمالىم ەتتى.

اۆتور: ايان بەكەن ۇلى