قاي وڭىردە ۇستازدار جوعارى جالاقى الادى
پورتال مالىمەتىنە سايكەس، 2020 -جىلدىڭ 1-توقسانىنىڭ قورىتىندىسى بويىنشا، ءبىلىم سالاسى قىزمەتكەرلەرىنىڭ ورتاشا ايلىق جالاقىسى 154,6 مىڭ تەڭگەگە جەتىپ، وتكەن جىلمەن سالىستىرعاندا 40,6 پايىزعا، ينفلياتسيانى ەسكەرگەندەگى شىنايى ءوسىمى 32,6 پايىزعا جەتىپ وتىر.
مەكتەپكە دەيىنگى ءبىلىم سالاسى قىزمەتكەرلەرى بۇل سەكتوردا ەڭ تومەنگى جالاقى الادى. ولاردىڭ ورتاشا جالاقىسى - 90,3 مىڭ تەڭگە. ينفلياتسيانى قوسا العاندا وتكەن جىلدان بەرگى ءوسىم - 21,5 پايىز.
باستاۋىش ءبىلىم بەرۋ سەگمەنتى قىزمەتكەرلەرى - 137,74 مىڭ تەڭگە، ورتا ءبىلىم قىزمەتكەرلەرى - 171,8 مىڭ، جوعارى ءبىلىم قىزمەتكەرلەرى - 190,9 مىڭ جەڭگە جالاقى الادى. ال قوسىمشا ءبىلىم بەرۋ قىزمەتى سالاسى قىزمەتكەرلەرىنىڭ جالاقىسى - 157,8 مىڭ تەڭگەگە، ءبىلىم بەرۋدىڭ وزگە سەگمەنتتەرى قىزمەتكەرلەرىنىڭ جالاقىسى - 133,75 مىڭ تەڭگەگە جەتتى.
«وسى جىلدان باستاپ پەداگوگتاردى اتتەستاتتاۋ جۇيەسى جەتىلدىرىلىپ، بىلىكتىلىك ءساناتىۇشىن شەكتى باللعا قويىلاتىن تالاپ كۇشەيتىلدى. ءبىلىم بەرۋ ۇيىمدارىباسشىلارى ءۇشىن العاش رەت اتتەستاتتسيا ەنگىزىلدى. ونىڭ ناتيجەسىندە لاۋازىمدىق جالاقىعا 30 دان 100 پايىزعا دەيىن ۇستەمە قوسىلۋ ارقىلى سانات بەرىلەدى. باسشىلاردىڭ جالاقىلارى العاش رەت جۇمىس ناتيجەسىنە بايلانىستى سارالانادى» دەلىنگەن پورتال اقپاراتىندا.
وڭىرلەر شەگىندە ءبىلىم بەرۋ سالاسىنداعى ەڭ جوعارى جالاقى ەلوردادا تىركەلىپ وتىر. نۇر-سۇلتان قالاسى مۇعالىمدەرىنىڭ جالاقىسى - 260,3 مىڭ تەڭگە. بۇل وسىدان ءبىر جىل بۇرىنعى كورسەتكىشتەن 32,5 پايىز جوعارى. ەلوردا ۇستازدارىنىڭ جالاقىسى قازاقستان بويىنشا ورتاشا كورسەتكىشتەن 1,7 ەسە اسىپ تۇسەدى.
ەكىنشى جانە ءۇشىنشى ورىندا - الماتى (181,3 مىڭ، ءوسىم 27,5 پايىز) جانە الماتى وبلىسى (158,5 مىڭ، ءوسىم 49,5 پايىز) تۇر. ەڭ تومەنگى جالاقىنى باتىس قازاقستان وبلىسىنىڭ ءبىلىم سالاسى قىزمەتكەرلەرى الادى. ولاردىڭ جالاقىسى - 134,6 مىڭ تەڭگە. ءبىر جىلداعى ءوسىمى - 43,1 پايىز. 2020 -جىلدىڭ 1-توقسانىنداعى دەرەكتەرگە سايكەس ءبىلىم سالاسىندا 1,1 ميلليون ادام جۇمىسپەن قامتىلعان، جىلدىق ءوسىم - 1,8 پايىز. ءبىلىم سالاسىندا جۇمىس ىستەيتىندەردىڭ 26,2 پايىزى عانا - ەر ادامدار، ال قالعان 73,8 پايىزى - ايەلدەر. سەكتوردا جۇمىسپەن قامتىلعانداردىڭ 98,5 پايىزى - جالدامالى قىزمەتكەرلەر.
