الماتى وبلىسىندا بىرىگىپ ىشىمدىك ىشكەندەردىڭ وتىرىسى ولىممەن اياقتالدى

تالدىقورعان. قازاقپارات - الماتى وبلىسىندا جەدەل ۋاكىلدەر ءبىر تاۋلىك ىشىندە كىسى ءولىمىن اشىپ، كۇدىكتىنى تاپتى، دەپ حابارلايدى قازاقپارات ءتىلشىسى.

وقيعا الماتى وبلىسى كەربۇلاق اۋدانىندا كەشە ساعات 22.00 شاماسىندا بولعان. پوليتسيا ءبولىمىنىڭ كەزەكشى بولىمىنە ۋچاسكەلىك ينسپەكتوردان زورلىقپەن ولتىرىلگەن 64 جاستاعى تۇرعىننىڭ ءمايىتى كوكساي اۋىلىندا تابىلعاندىعى تۋرالى حابارلاما كەلىپ تۇسكەن. ەر ادامدى ءوز ۇيىندە ءولتىرىپ كەتكەن. وقيعا ورنىنا جەتكەن جەدەل- تەرگەۋ توبى ادام ءولىمى ىشىمدىك ءىشۋ بارىسىندا بولعانىن انىقتاعان. كۋاگەرلەردىڭ كومەگىمەن كۇدىكتىنىڭ بەلگىلەرى بويىنشا سوزدىك پورترەت جاسالىپ، ءبىر تاۋلىك ىشىندە كورشى اۋىلدىڭ 43 جاستاعى تۇرعىنى ۇستالدى. كۇدىكتى ۇسىنىلعان دالەلدەمەلەردەن كەيىن كىسى ولتىرگەنىن تولىق مويىندادى.

اتالعان دەرەك ق ر ق ك- نىڭ 99-بابىنىڭ 1-بولىگىنە سايكەس تىركەلدى. كۇدىكتى ق ر ق ى ج ك- ءنىڭ 128-بابى نەگىزىندە ۋاقىتشا ۇستاۋ وقشاۋلاعىشىنا قاماۋعا الىندى.