ماڭعىستاۋدا تەڭىزگە شومىلعان بالالاردى يتبالىق تىستەپ العان

اقتاۋ. قازاقپارات - ءتۇپقاراعان اۋدانىندا ءتورت ەر بالانى جانە جەتى جاسار قىز بالانى يتبالىق تىستەپ العان، دەپ حابارلايدى قازاقپارات ءتىلشىسى.

بۇل جاعداي 8 ماۋسىمدا ساعات 19.40 شاماسىندا ورىن العان. ماڭعىستاۋ وبلىسى دەنساۋلىق ساقتاۋ باسقارماسىنىڭ باسپا ءسوز قىزمەتىنىڭ حابارلاۋىنشا، سۋدا شومىلىپ جۇرگەندەردىڭ ەڭ ۇلكەنى 20 جاستا، ال ەڭ كىشىسى 7 جاسقا دا تولماعان. ءتۇپقاراعان اۋداندىق اۋرۋحاناسىنىڭ قابىلداۋ بولمەسىنە ەكى بالانى جەدەل مەديتسينالىق جاردەم بريگاداسى جەتكىزسە، قالعان ۇشەۋى وزدەرى بارعان.

«دارىگەرلەر بالالاردىڭ بىلەكتەرى تىستەلگەنىن انىقتادى. كىشكەنتاي ناۋقاستارعا العاشقى حيرۋرگيالىق امالدار جاسالىپ، قۇتىرماعا قارسى ۆاكتسينا ەگىلدى، ودان كەيىن ۇيلەرىنە قايتارىلدى. اۋرۋحاناعا جاتقىزۋ قاجەت بولعان جوق. الداعى ۋاقىتتا مەديتسينالىق كومەك كەرەك بولسا، دارىگەردى ۇيگە شاقىرتىپ، ەم الادى»، - دەلىنگەن حابارلامادا.