الماتى وبلىسىنداعى الاكولگە تۋريستەر كوروناۆيرۋسكە تەست تاپسىرماي بارا الادى
ءبىراق دەمالىس ورىندارىندا سانيتارلىق تالاپتار كۇشەيەدى. ەندى الاكولگە كەلگەن تۋريستەر دە، دەمالىس ورىندارىنداعى قىزمەتكەرلەر دە ادام كوپ شوعىرلانعان جەرلەردە مەديتسينالىق ماسكا تاعىپ جۇرۋگە مىندەتتى. سونداي- اق ءار وڭىردەن كەلگەن تۋريستەردى ءبىر بولمەگە جاتقىزۋعا تىيىم سالىنادى. دەمالۋشىلاردىڭ تاماقتاناتىن، جاتىن ورىندارى 1,5-2 مەترلىك اراقاشىقتىقتى ساقتاپ، سانيتايزەرلەرمەن قامتاماسىز ەتىلۋى ءتيىس.
جالپى بۇل تۋريستىك ايماقتا رەسمي تىركەلگەن 250-گە جۋىق دەمالىس ورىندارى بار. ول جەرلەردە بىلتىر 1 ميلليون 300 مىڭنان اسا تۋريست دەمالعان. ولارعا كورسەتىلگەن اقىلى قىزمەتتىڭ قۇنى 8 ميلليارد تەڭگەگە جۋىقتاعان.
«13 - ماۋسىمنان الاكولدەگى باسقا جەرلەردەگى دەمالىس ورىندارى اشىلا باستايدى. ارنايى كوميسسيانىڭ شەشىمىمەن COVID -19 عا انىقتاما سۇرامايتىن بولدىق. ونىڭ ورنىنا تالاپتى كۇشەيتەمىز. دەمالىس ورىندارىنىڭ قىزمەتكەرلەرىن جاڭا فورماتتا دايىندايتىن بولادى. دەمالۋشىلاردى قالاي قارسى الۋ كەرەك، تەپلوۆيزورمەن قالاي جۇمىس ىستەۋ كەرەك، انكەتا قالاي تولتىرۋ كەرەك، سونىڭ ءبارىن ۇيرەتەتىن بولامىز. ەگەر دايىن بولسا جاڭاعى بازالارعا رۇقسات بەرەمىز، دايىن بولماسا رۇقسات بەرىلمەيتىن بولادى»، - دەدى الماتى وبلىسىنىڭ باس مەملەكەتتىك سانيتارلىق دارىگەرى قايرات بايمۇحامبەتوۆ.
ەستەرىڭىزگە سالا كەتسەك، ءۇرجار اۋدانىنداعى الاكول ايماعى 13 - ماۋسىمنان باستاپ دەمالۋشىلاردى قابىلدايدى. سونداي- اق، الاكولگە جولدامالار ساتۋ باستالدى.
فوتو: aquarida-tour.kz
اۆتور: سامال قابىشيەۆا
