قاسىم- جومارت توقايەۆ يرلانديا پرەمەر- مينيسترىمەن تەلەفون ارقىلى سويلەستى
اڭگىمەلەسۋ بارىسىندا ەكىجاقتى ىنتىماقتاستىقتىڭ اعىمداعى جاعدايى مەن ساياسي جانە ساۋدا- ەكونوميكالىق ىنتىماقتاستىقتى دامىتۋدىڭ كەلەشەگى تالقىلاندى.
تاراپتار ىسكەرلىك بايلانىستاردى كۇشەيتۋگە جانە اۋىلشارۋاشىلىعى، جوعارى تەحنولوگيالار مەن يننوۆاتسيالار سالالارىنداعى بىرلەسكەن ينۆەستيتسيالىق جوبالاردى ىسكە اسىرۋعا مۇددەلىلىك ءبىلدىردى.
قاسىم- جومارت توقايەۆ جانە لەو ۆارادكار حالىقارالىق كۇن تارتىبىندەگى ءبىرقاتار وزەكتى ماسەلەلەر قوزعادى، ونىڭ ىشىندە، ب ۇ ۇ جانە باسقا دا كوپجاقتى قۇرىلىمدار الاڭىندا قازاقستان مەن يرلانديانىڭ ءوزارا ارەكەتتەسۋى جونىندە پىكىر الماستى. اتاپ ايتقاندا، جاھاندىق بەيبىتشىلىك پەن قاۋىپسىزدىكتى تۇراقتى دامىتۋ مەن ىلگەرىلەتۋدى قامتاماسىز ەتۋ ماسەلەلەرى بويىنشا سىندارلى ديالوگتى جالعاستىرۋعا دايىن ەكەندەرىن ءبىلدىردى.
تاراپتار كوروناۆيرۋس ىندەتىنىڭ تارالۋىنا ەرەكشە توقتالدى. قازاقستان پرەزيدەنتى جانە يرلانديانىڭ پرەمەر- ءمينيسترى ەكى ەلدىڭ پاندەميانىڭ كەرى سالدارىن جەڭىلدەتۋ بويىنشا كەشەندى شارالار، ونىڭ ىشىندە، تۇرعىنداردىڭ از قامتىلعان توپتارىن قولداۋ جانە داعدارىستان كەيىنگى كەزەڭدە ىسكەرلىك بەلسەندىلىكتى ىنتالاندىرۋ جۇمىستارىن جوعارى باعالادى. تەلەفون ارقىلى سويلەسۋگە لەو ۆارادكار باستاماشى بولدى.
