الماتى بلوكپوستىنداعى جول اپاتىن ىشكى ىستەر مينيسترلىگى تەرگەيتىن بولدى
«قازىرگى ۋاقىتتا قىزمەتتىك تەكسەرۋ جۇرگىزىلدى. بۇقارالىق اقپارات قۇرالدارىندا مەنىڭ بۇيرىعىممەن 9 باسشىنى جازالاپ، ۇشەۋى كادرلىق كەمشىلىكتەرگە جول بەرگەنى ءۇشىن قىزمەتىنەن بوساتىلعانىن جاريالادىق. بۇعان قوسا، تەكسەرۋ بارىسىندا فاكتىلەر انىقتالدى. بىزدە الماتى قالالىق پوليتسيا دەپارتامەنتى باستىعىنىڭ كۇدىكتى ازاماتوۆتىڭ 21- ءى كۇنى ياعني، جول- كولىك وقيعاسىنان 4 كۇن بۇرىن جۇمىستان شىعارىلعانى تۋرالى بۇيرىعى بار»، - دەدى ەرلان تۇرعىمبايەۆ ورتالىق كوممۋنيكاتسيالار قىزمەتىندە وتكەن بريفينگىدە ب ا ق وكىلدەرىنىڭ ساۋالىنا وراي. مينيستر اتالعان وقيعانىڭ باسقا دا ءمان- جايىن قازىرگى ۋاقىتتا تەرگەۋ جۇرگىزىلىپ جاتقاندىقتان جاريا ەتە المايتىندىعىن ايتتى.
«وزىندىك قاۋىپسىزدىك دەپارتامەنتى تەكسەرۋ جۇرگىزدى. سونىمەن قاتار تەرگەۋ دەپارتامەنتى اتالعان قىلمىستىق ءىستى الماتى وبلىسىنان وزىنە الىپ، ەندى ىشكى ىستەر مينيسترلىگى تاراپىنان تەرگەلىپ جاتىر. ويتكەنى، بۇل ءىس قىزمەتتىك مىندەتتەرىن ورىنداۋ بارسىندا پوستتا قايتىس بولعان قىزمەتكەرلەرىمىزگە، قاتارىمىزدا بولعان بۇرىنعى قىزمەتكەرىمىزگە قاتىستى»، - دەدى ول.
ەسكە سالايىق، 25 - مامىر تاڭعى ساعات 05:26-دا BMW ماركالى كولىكتىڭ 28 جاستاعى جۇرگىزۋشىسى ماس كۇيىندە بلوكپوستاعى پوليتسيا كولىگىنە سوعىلدى. سالدارىنان ەكى پوليتسيا قىزمەتكەرى كوز جۇمدى. ال زارداپ شەككەن ءۇشىنشى پوليتسەي جاقىندا اۋرۋحانادا ەسىن جيدى. وسى وقيعادان كەيىن الماتى قالالىق پوليتسيا دەپارتامەنتىنىڭ 9 قىزمەتكەرى تارتىپتىك جازاعا تارتىلدى. ءۇش لاۋازىمدى قىزمەتكەر جۇمىسىنان بوساتىلدى. كۇدىكتى ق ر ق ك- ءنىڭ 345-بابى 1-بولىگىنە سايكەس 7-دەن 10 جىلعا دەيىن باس بوستاندىعىنان ايرىلۋى مۇمكىندىگىن بۇعان دەيىن جازعان بولاتىنبىز.
اۆتور: مارلان جيەمباي
