قازاقستاندا مال باسى ءوسىپ كەلەدى

نۇر- سۇلتان. قازاقپارات - اۋىل شارۋاشىلىعى ءمينيسترى ساپارحان وماروۆ قازاقستاندا مال باسى ءوسىپ كەلە جاتقانىن ءمالىم ەتتى، دەپ حابارلايدى قازاقپارات ءتىلشىسى.

«ۇلتتىق ەكونوميكا مينيسترلىگىنىڭ بايانداماسىندا اتالىپ وتكەندەي، وسى جىلدىڭ 5 ايىنىڭ قورىتىندىسى بويىنشا اۋىل شارۋاشىلىعى جالپى ءونىمىنىڭ كولەمى %2,2 عا ۇلعايىپ، 934,4 ميلليارد تەڭگەنى قۇرادى. بۇل ءوسىم مال شارۋاشىلىعىنداعى ءونىم كولەمىنىڭ %2,3 عا، ونىڭ ىشىندە سويىلاتىن ەتتىڭ %3,5 عا، ءسۇتتىڭ %3,2 عا ۇلعايۋى ەسەبىنەن قامتاماسىز ەتىلدى»، - دەدى ساپارحان وماروۆ ۇكىمەت وتىرىسىندا.

ونىڭ ايتۋىنشا، وبلىستار بويىنشا رەسپۋبليكالىق قارقىننان جوعارى كورسەتكىشكە جامبىل، قاراعاندى، اقمولا، باتىس قازاقستان، اقتوبە، سولتۇستىك قازاقستان، الماتى جانە تۇركىستان وڭىرلەرى قول جەتكىزگەن.

«سونداي- اق، ءىرى قارا مال سانىنىڭ - %4,1- عا، قويدىڭ - %2,8 عا، جىلقىنىڭ - %7,9 عا، تۇيەنىڭ - %4,4 عا جانە شوشقانىڭ - %1,5 عا وسكەنى بايقالادى. ال وسىمدىك شارۋاشىلىعىندا 2020 -جىلعى كوكتەمگى دالا جانە ەگىس جۇمىستارىن دەر كەزىندە جۇرگىزۋ ءۇشىن بارلىق قاجەتتى شارالار قابىلداندى. بۇگىنگى كۇنى ەگىس جۇمىستارى تولىعىمەن اياقتالدى»، - دەدى ول.