ەربولات دوسايەۆ تەڭگەنىڭ نىعايا ءتۇسۋ سەبەبىن ءتۇسىندىردى

نۇر- سۇلتان. قازاقپارات – ق ر ۇلتتىق بانك ءتوراعاسى ەربولات دوسايەۆ تەڭگەنىڭ نىعايا ءتۇسۋ سەبەبىن ءتۇسىندىردى، دەپ حابارلايدى قازاقپارات ءتىلشىسى.

«بيىل مامىردا ىشكى ۆاليۋتا نارىعى سىرتقى جانە ىشكى فاكتورلاردىڭ وڭ اسەرىنەن دامىدى. مۇناي باعاسىنىڭ ءوسىمى قازاقستاننىڭ ساۋدا ارىپتەستەرى ەلدەرىنىڭ ۆاليۋتالارىنا قولايلى اسەر ەتتى. رەسەي ءرۋبلى مامىردا ءبىر ا ق ش دوللارى ءۇشىن 70,14 رۋبلگە دەيىن% 5,7 عا، ەۋرو - ءبىر ەۋرو ءۇشىن 1,11 ا ق ش دوللارىنا دەيىن %1,3 عا نىعايدى»، - دەدى ۇكىمەت وتىرىسىندا ۇلتتىق بانك ءتوراعاسى ەربولات دوسايەۆ.

ونىڭ ايتۋىنشا رەسپۋبليكالىق بيۋدجەتكە كەپىلدەندىرىلگەن ترانسفەرتتى ءبولۋ ماقساتىمەن ۇلتتىق قوردان ۆاليۋتانى جوسپارلى ساتۋ ۇلتتىق ۆاليۋتاعا قوسىمشا قولداۋ كورسەتكەن.

«وتكەن ايدا كۆازيمەملەكەتتىك سەكتوردىڭ كومپانيالارى ەكسپورتتىق ۆاليۋتالىق ءتۇسىمىنىڭ ءبىر بولىگىن مىندەتتى ساتۋ جونىندە قابىلدانعان شارالارى جالعاستى. مامىردا كۆازيمەملەكەتتىك سەكتور سۋبەكتىلەرىنىڭ ساتۋ كولەمى ءبىر ايدا 156 ميلليون ا ق ش دوللارىن قۇرادى. مۇنايدىڭ الەمدىك باعاسىنىڭ ءوسۋى ىشكى قولايلى فاكتورلارمەن قاتار تەڭگەنىڭ ايىرباستاۋ باعامىنىڭ مامىرداعى ءبىر ا ق ش دوللارى ءۇشىن 424,57 تەڭگەدەن 411,55 تەڭگەگە دەيىن %3,1 كە نىعايۋىنا ىقپال ەتتى. 8 -ماۋسىمداعى ساۋدا- ساتتىقتىڭ قورىتىندىسى بويىنشا ورتاشا باعام ءبىر ا ق ش دوللارى ءۇشىن 397,27 تەڭگە دەڭگەيىندە قالىپتاستى»، - دەدى ول.