قازاقستان بانكتەرىندە دەپوزيتتەر كولەمى ۇلعايدى

نۇر- سۇلتان. قازاقپارات - قازاقستاندا ءساۋىردىڭ سوڭىندا دەپوزيتتەر كولەمى ۆاليۋتاداعى جانە سول سياقتى تەڭگەدەگى سالىمداردىڭ ءوسۋى ەسەبىنەن جىل باسىنان بەرى %3,3- عا ۇلعايىپ، 19,6 تريلليون تەڭگەگە جەتتى، دەپ حابارلايدى قازاقپارات ءتىلشىسى.

«بيىل ءساۋىردىڭ سوڭىندا دەپوزيتتەر كولەمى ۆاليۋتاداعى جانە سول سياقتى تەڭگەدەگى سالىمداردىڭ ءوسۋى ەسەبىنەن جىل باسىنان بەرى %3,3 عا ۇلعايىپ، 19,6 تريلليون تەڭگە بولدى. ۇلتتىق ۆاليۋتاداعى سالىمدار %2,8 عا (نەمەسە 301 ميلليارد تەڭگەگە) ، شەتەل ۆاليۋتاسىنداعى سالىمدار - %4,0 عا (نەمەسە 328 ميلليارد تەڭگەگە) ءوستى. باعامدى قايتا باعالاۋدى ەسكەرمەگەندە، ۆاليۋتالىق سالىمدار%6,3 عا نەمەسە 1,3 ميلليارد ا ق ش دوللارىنا تومەندەدى»،- دەدى ۇلتتىق بانك ءتوراعاسى ەربولات دوسايەۆ ۇكىمەت وتىرىسىندا.

وسىنىڭ ناتيجەسىندە دەپوزيتتەردىڭ دوللارلانۋ دەڭگەيى ساۋىردە %43,4 (2019 -جىلعى جەلتوقساندا %43,1) بولعان. وسى جىلعى مامىردا دەپوزيتتەردىڭ دوللارلانۋى 29 -مامىرداعى الدىن الا باعالاۋ بويىنشا %41,8 عا دەيىن تومەندەگەن.