قازاقستاندا بيزنەستى سۋبسيديالايتىن جاڭا ميكرونەسيەلەۋ باعىتى ىسكە قوسىلادى
ۇكىمەت وتىرىسىندا بايانداما جاساعان ۇلتتىق ەكونوميكا ءمينيسترى رۋسلان دالەنوۆتىڭ ايتۋىنشا ۇلتتىق بانك باعدارلاماسى مەن «بيزنەستىڭ جول كارتاسى» شەڭبەرىندە شاعىن جانە ورتا بيزنەستى قولداۋ بويىنشا قىزمەت تۇرلەرى كەڭەيتىلۋدە. ونىڭ سوزىنشە نەسيەلەۋ راسىمدەرى جەڭىلدەتىلەدى. سونداي- اق، «بيزنەستىڭ جول كارتاسى - 2025» مەملەكەتتىك باعدارلاماسىندا بيزنەس ءۇشىن ميكروكرەديتتەردى سۋبسيديالاۋدى قاراستىراتىن جاڭا «ميكرونەسيەلەۋ» باعىتى ىسكە قوسىلادى.
«وسى شارالاردىڭ بارلىعى سىرتقى سىن- قاتەرلەردىڭ تەرىس سالدارىن ازايتۋعا باعىتتالعان. سونداي- اق، كەشەندى جوسپار ەكونوميكا سالالارىنداعى جەدەل ماسەلەلەردى شەشۋگە، ىشكى ءوندىرىس پەن كاسىپكەرلىكتى قولداۋعا مۇمكىندىك بەرەدى. وسىلايشا، ەكونوميكالىق بەلسەندىلىكتى قالپىنا كەلتىرۋگە ىقپال ەتەتىن بولادى. جالپى، كەشەندى جوسپاردى جۇزەگە اسىرۋعا بۇگىنگى كۇنى 49 زاڭنامالىق اكتىگە تۇزەتۋلەر ەنگىزۋ جوسپارلانۋدا. بۇل - 11 كودەكس پەن 38 زاڭ» ، - دەيدى رۋسلان دالەنوۆ.
