ا ق ش سوتى فلويدتىڭ ولىمىنە ايىپتالۋشى پوليتسەيدى كەپىلمەن بوساتۋ سوماسىن بەلگىلەدى
نەمەسە 1 ميلليون دوللار تولەپ، بەلگىلى ءبىر شەكتەۋمەن شىعا الادى، دەپ حابارلايدى قازاقپارات DW- گە سىلتەمە جاساپ.
افروامەريكالىق دجوردج فلويدتى ۇستاۋ كەزىندە ونى ابايسىزدا ءولىمى ءۇشىن ايىپتالعان ميننەاپوليستىڭ بۇرىنعى پوليتسيا قىزمەتكەرى دەرەك شوۆيندى 1,25 ميلليون دوللار كولەمىندە كەپىل سوما تولەتىپ، قاماۋدان شىعارۋعا كەلىستى. ءتيىستى شەشىم دۇيسەنبى، 8 -ماۋسىم كۇنى ميننەاپوليس سوتىندا شىعارىلدى. كەپىلدىك سوما 1 ميلليون دوللارعا دەيىن ازايتىلۋى دا مۇمكىن، ول ءۇشىن شوۆين ءبىرقاتار تالاپتارعا كەلىسۋى كەرەك. بۇل قۇقىق قورعاۋ ورگاندارىندا جۇمىس ىستەۋدەن باس تارتۋ، قارۋىن تاپسىرۋ جانە ونىڭ رۇقساتىن قايتارۋ، ميننەسوتا شتاتىنان كەتپەۋ جانە دجوردج فلويدتىڭ وتباسىنا جولاماۋ.
دجوردج فلويد 25 - مامىردا ميننەاپوليستە قايتىس بولدى. ونى ۇستاۋ بارىسىندا دەرەك ءشوۆيننىڭ توعىز مينۋتتاي تىزەسىمەن موينىنان باسىپ وتىرعان. شوۆينگە ابايسىزدا ادام ءولتىردى دەپ ايىپ تاعىلدى. كەيىنىرەك ايىپ دەڭگەيى اۋىرلاتىلىپ ۇشىنشىدەن ەكىنشىگە اۋىستىرىلدى.
فلويدتى ۇستاۋعا قاتىسى بار تاعى ءۇش پوليتسەيدى ميننەسوتا پروكۋراتۋراسى ادام ولتىرۋگە ىقپال ەتتى دەپ ايىپتادى. وسى قايعىلى وقيعادان كەيىن ا ق ش- تا ەل بويىنشا ناسىلشىلدىك پەن پوليتسيانىڭ زورلىعىنا قارسى نارازىلىق شەرى ءوتتى. اكتسيالاردىڭ كوبى جاپپاي تارتىپسىزدىك پەن پوليتسيامەن قاقتىعىسقا ۇلاستى. ا ق ش- تىڭ كوپتەگەن قالالارىندا كومەندانت ساعاتى ەنگىزىلگەن. فلويد بۇگىن 9 - ماۋسىم كۇنى جەرلەنەدى.
