00:16, 09 - ماۋسىم 2020 | GMT +6
كوروناۆيرۋستان ءولىم- ءجىتىم كۇننەن- كۇنگە ارتىپ كەلەدى - ايدا بالايەۆا
نۇر- سۇلتان. قازاقپارات – ق ر اقپارات جانە قوعامدىق دامۋ ءمينيسترى ايدا بالايەۆا كوروناۆيرۋس ىندەتىنىڭ تارالۋى تىيىلماي وتىرعاندىقتان، قازاقستاندىقتاردى سانيتارلىق تالاپتى قاتاڭ ساقتاۋعا شاقىردى، دەپ حابارلايدى قازاقپارات.
«بۇكىل الەمدە سەكىلدى ءبىزدىڭ ەلىمىزدە دە كوروناۆيرۋس ىندەتىنەن بولعان ءولىم- ءجىتىم كورسەتكىشى كۇننەن- كۇنگە ءوسىپ كەلەدى. وسى ورايدا، كوكىرەگى وياۋ، سانالى دەگەن كوپشىلىك ادامداردىڭ قاراپايىم قاۋىپسىزدىك ەرەجەلەرىن ساقتاماۋى قىنجىلتادى. سوندىقتان دا، ءوزىمىزدىڭ جانە جاقىن تۋىستارىمىزدىڭ دەنساۋلىعى ءۇشىن ءارقايسىلارىڭىزدى سانيتارلىق نورمالاردى قاتاڭ ساقتاۋعا شاقىرامىن. ءدال قازىرگى تاڭدا بارشامىزدىڭ ءومىرىمىز وسىعان بايلانىستى بولىپ وتىر»، - دەپ جازدى مينيستر Facebook-تەگى پاراقشاسىندا.
ايتا كەتەيىك، بۇگىنگە دەيىن ەلىمىزدە كوروناۆيرۋستىڭ راستالعان 12859 جاعدايى تىركەلدى. ونىڭ ىشىندە 7557 ادام سىرقاتىنان ايىقتى. قايتىس بولدى - 56 ناۋقاس.
