22:34, 08 - ماۋسىم 2020 | GMT +6
الماتىدا ەر ادام قىزى مەن كۇيەۋ بالاسىن اتىپ ءولتىرىپ، وزىنە قول سالدى
الماتى. قازاقپارات - الماتىدا ەر ادام قىزى مەن كۇيەۋ بالاسىن اتىپ ءولتىرىپ، كەيىن ءوز- وزىنە قول سالدى، دەپ حابارلايدى قازاقپارات ءتىلشىسى.
«بۇگىن، 8 - ماۋسىم كۇنى الماتى قالاسىنىڭ تۇركسىب اۋدانىندا، سەيفۋللين داڭعىلىنداعى ۇيلەردىڭ بىرىندە، 1951 -جىلى تۋعان جەرگىلىكتى تۇرعىن، وتباسىلىق جانجال كەزىندە 1987 -جىلى تۋعان كۇيەۋ بالاسى مەن 1979 -جىلعى قىزىن تەگىس ۇڭعىلى مىلتىقپەن اتىپ ءولتىردى. سودان كەيىن ءوز- وزىنە قول جۇمسادى»، - دەپ حابارلادى پوليتسيادان.
قازىرگى ۋاقىتتا وقيعا ورنىندا جەدەل- تەرگەۋ توبى جۇمىس ىستەۋدە. الدىن الا مالىمەت بويىنشا، قارۋ ەر ادامنىڭ ءوز اتىنا تىركەلگەن. قايعىلى جاعدايدىڭ باسقا دا جاعدايلارى انىقتالۋدا.
