21:01, 08 - ماۋسىم 2020 | GMT +5
الماتى اكىمدىگى باراحولكا جابىلادى دەگەن اقپاراتتى جوققا شىعاردى
الماتى. قازاقپارات - الماتى اكىمدىگى باراحولكا جابىلادى دەگەن اقپاراتتى جوققا شىعاردى، دەپ حابارلايدى قازاقپارات ءتىلشىسى.
«بۇل اقپارات شىندىققا جاناسپايدى. ءبىز ونى راستامايمىز»، - دەدى الماتى قالاسى كاسىپكەرلىك جانە ينۆەستيتسيا باسقارماسىنىڭ باسشىسى ەركەبۇلان ورازالين وڭىرلىك كوممۋنيكاتسيالار قىزمەتىندە وتكەن باسپا ءسوز كونفەرەنتسياسىندا.
الايدا، ول سانيتارلىق تالاپتاردى ساقتاماي، ورەسكەل بۇزۋشىلىقتار انىقتالعان جاعدايدا ۇلكەن، ورتا جانە شاعىن بيزنەس نىساندارىنىڭ جابىلۋى مۇمكىن ەكەنىن تىلگە تيەك ەتتى. ەستەرىڭىزگە سالا كەتەيىك، الماتىداعى ازىق- تۇلىك ەمەس بازارلار 1 -ماۋسىمدا جۇمىسىن قايتا باستادى.
